கணுக்காலில் ஏற்பட்ட காயம் காரணமாக இங்கிலாந்து மகளிர் அணியுடன் நடக்கவுள்ள ஒருநாள், டி20 தொடர்களில் நட்சத்திர வீராங்கனை ஹர்மன்ப்ரீத் கெளர் ஆட மாட்டார் என பிசிசிஐ அறிவித்துள்ளது.
ஐசிசி மகளிர் கிரிக்கெட் சாம்பியன்ஷிப் போட்டியின் ஒரு பகுதியாக இங்கிலாந்து அணி தலா 3 ஆட்டங்கள் கொண்ட ஒருநாள், டி20 தொடர்களில் பங்கேற்றுள்ளது. 
முதல் ஒருநாள் ஆட்டம் மும்பையில் 22-ஆம் தேதி தொடங்குகிறது. இதற்கிடையே ஹர்மன்ப்ரீத் கெளர் கணுக்காலில் காயமடைந்துள்ளார்.
இதனால் 2 தொடர்களிலும் அவரால் ஆட முடியாத நிலை உள்ளது. டி20 தொடரில் அவருக்கு பதிலாக ஸ்மிருதி மந்தானா கேப்டனாக செயல்படுவார். 
ஹர்மன்ப்ரீத் கெளருக்கு பதிலாக ஹிமாச்சல் பிரதேசத்தின் ஹர்லீன் தியோல் இடம் பெறுகிறார்.