ஓய்வு அறிவிப்பை வெளியிட்டார் பிரபல செஸ் வீரர்!

முன்னாள் செஸ் உலக சாம்பியனான ரஷிய கிராண்ட் மாஸ்டர் விளாடிமிர் கிராம்னிக், ஓய்வு அறிவிப்பை வெளியிட்டுள்ளார்.

43 வயதான கிராம்னிக், 2000-ம் ஆண்டு முதல் 2007 வரை உலக சாம்பியனாக விளங்கினார். 2008-ல் நடைபெற்ற உலக செஸ் சாம்பியன்ஷிப் போட்டியில் கிராம்னிக்கைத் தோற்கடித்து உலக செஸ் சாம்பியன் ஆனார் இந்தியாவின் விஸ்வநாதன் ஆனந்த்.

கடந்த ஞாயிற்றுக்கிழமை முடிந்த டாடா ஸ்டீல் செஸ் போட்டியுடன் செஸ் விளையாட்டிலிருந்து ஓய்வு பெற்றுள்ளதாக தற்போது கிராம்னிக் அறிவித்துள்ளார்.