விராட் கோலி தன்னை பிரதிபலிப்பதாக மேற்கிந்திய தீவுகள் ஜாம்பாவன் வீரர் விவியன் ரிச்சர்ட்ஸ் புகழாரம் சூட்டினார். இதுதொடர்பாக அவர் கூறியதாவது:

விராட் கோலி போன்று கிரிக்கெட் விளையாடும் வீரர்களை எனக்கு மிகவும் பிடிக்கும். விராட் கோலியின் செயல்பாடுகள் உங்களுக்கு அகந்தையின் வெளிப்பாடாக தெரியும்.

ஆனால், நம் மீதான நம்பிக்கை வெளிப்படும்போது அவ்வாறு தான் இருக்கும். அது தான் கிரிக்கெட்டை சரியாக விளையாடும் முறையாகும். நமது வீடு முழுவதும் எப்படி நமக்கு தெரியுமோ! அதேபோன்று தான் விராட் கோலிக்கு தனது ஆட்டம் குறித்து தெரியும்.

எனது காலத்தில் நான் எப்படி இருந்தேனோ அதேபோன்று தான் விராட் கோலியும் தற்போது உள்ளார். அவர் என்னை பிரதிபலிக்கிறார். அவருடைய ஆட்டம் எனக்கு மிகவும் பிடித்துள்ளது.

கோலிக்கு உள்ளது போன்ற நம்பிக்கையை ஒன்றும் ஒரு இரவில் பெற்றுவிட முடியாது. விராட் சிறந்த போராளி, அவர் எப்போதும் தனது அணியை எந்த சூழலிலும் திறம்பட கவனித்துக்கொள்வார் என்று தெரிவித்தார்.