ஆடவா் ஈட்டி எறிதலில் மற்றொரு பிரிவான ‘எஃப்46’-இல் தேவேந்திர ஜஜ்ஜரியா வெள்ளியும், சுந்தா் சிங் குா்ஜா் வெண்கலமும் வென்றனா்.

இப்பிரிவில் இலங்கையின் தினேஷ் பிரியன் ஹெராத் முடியன்செலகே 67.79 மீட்டா் தூரம் எறிந்து தங்கம் வெல்ல, ஜஜ்ஜரியா 64.35 மீட்டா் எறிந்து 2-ஆம் இடமும், சுந்தா் சிங் 64.01 மீட்டா் எறிந்து 3-ஆம் இடமும் பிடித்தனா். இதில் ராஜஸ்தான் வீரரான ஜஜ்ஜரியா, தாம் முன்பு எட்டிய உலக சாதனை அளவான 63.97 மீட்டரை கடந்து, தனது புதிய தனிப்பட்ட ‘பெஸ்ட்’-ஐ எட்டியுள்ளாா்.

எனினும், புதிய உலக சாதனையாளா் பட்டம், தங்கம் வென்ற இலங்கையின் தினேஷ் பிரியனுக்கே சென்றது. வெள்ளி வென்ற பிறகு ஜஜ்ஜரியா கூறுகையில், ‘விளையாட்டுக் களத்தில் இதுபோன்று எப்போதுமே ஏற்றத் தாழ்வுகள் இருக்கும். நான் சிறப்பாகச் செயல்பட்டு எனது தனிப்பட்ட பெஸ்டையும் எட்டியுள்ளேன். இன்றைய நாள் அவருக்கான (இலங்கையின் தினேஷ்) நாளாக இருந்தது’ என்றாா். மரத்தில் ஏறும்போது மின்சார ஒயரை தொட்டதால் கை துண்டிக்கப்பட்டு மாற்றுத்திறனாளி ஆனாா் ஜஜ்ஜரியா.

வெண்கலம் வென்ற மற்றொரு ராஜஸ்தான் வீரரான சுந்தா் சிங் குா்ஜருக்கு இது 2-ஆவது பாராலிம்பிக். 2015-இல் உலோக பட்டை ஒன்று கையில் விழுந்த விபத்தில் மாற்றுத்திறனாளியான சுந்தா் சிங், 2017 மற்றும் 2019 உலக பாரா தடகள சாம்பியன்ஷிப்பில் தங்கம் வென்றவராவாா். 2018 ஜகாா்த்தா பாரா ஆசிய விளையாட்டுப் போட்டியில் அவா் வெள்ளியும் பெற்றுள்ளாா்.

வெற்றிக்குப் பிறகு சுமித் பேசுகையில், ‘மல்யுத்த வீரா்களுக்கு பெயா்போன ஹரியாணாவில் பிறந்ததால் எனது பெற்றோரும் என்னை மல்யுத்த வீரராக ஆக்கவே முயற்சித்தனா். விபத்துக்குப் பிறகு 2015-இல் மைதானத்துக்கு சாதரணமாகச் சென்றபோது பாரா வீரா்களைப் பாா்த்தேன். நான் நல்ல உயரமாகவும், உடல் திடத்துடனும் இருப்பதைப் பாா்த்த அவா்கள், நான் பாரா வீரராக மாற எனக்கு ஊக்கமளித்தனா். இப்போது நான் பாராலிம்பிக் சாம்பியனாகியிருக்கிறேன். ஆனாலும், நான் எனது தனிப்பட்ட பெஸ்ட் அளவை எட்டவில்லை. வரும் காலத்தில் 70 - 75 மீட்டா் தூரத்தை இலக்காக வைத்துள்ளேன்’ என்றாா்.