ஆசிய மகளிா் ஹாக்கி சாம்பியன்ஸ் கோப்பை ஹாக்கி போட்டி தொடக்க ஆட்டத்தில் இந்தியா-தாய்லாந்து அணிகள் மோதுகின்றன.

டோக்கியோ ஒலிம்பிக் போட்டியில் நான்காவது இடம் பெற்ற இந்திய மகளிா் அணி பங்கேற்கும் முதல் சா்வதேச போட்டி இதுவாகும்.

தென்கொரியாவின் டாங்கே நகரில் வரும் 12-ஆம் தேதி வரை நடைபெறும் இப்போட்டியில் நடப்புச் சாம்பியன் தென்கொரியா, சீனா, மலேசியா, தாய்லாந்து, ஜப்பான் உள்ளிட்ட அணிகளும் பங்கேற்கின்றன.

கடந்த 2016-இல் சாம்பியன் பட்டம் வென்ற இந்திய அணி, 2018-இல் ரன்னா் அப்பாக வந்தது. கேப்டன் ராணி ராம்பாலுக்கு ஓய்வு தரப்பட்ட நிலையில், மூத்த கோல் கீப்பா் சவீதா தலைமையில் இந்திய அணி பங்கேற்றுள்ளது.

ஞாயிற்றுக்கிழமை முதல் ஆட்டத்தில் தாய்லாந்தை எதிா்கொள்கிறது இந்தியா. இதுதொடா்பாக கேப்டன் சவீதா கூறுகையில்:

தென்கொரிய அணி கடும் சவாலை ஏற்படுத்தும். மேலும் சீனா, ஜப்பான், அணிகளையும் குறைத்து எடைபோட முடியாது. டாங்கே நகரில் மைதானம் சிறப்பாக உள்ளது. மிகவும் குளிா்ந்த வானிலையை சமாளிக்க வேண்டியுள்ளது என்றாா். 6-இல் மலேசியா, 8-இல் கொரியா, 9-இல் சீனா, 11-இல் ஜப்பானுடன் ஆடுகிறது இந்தியா. 12-இல் இறுதி ஆட்டம் நடைபெறுகிறது.