45 வயது வரை, இன்னும் இரு உலகக் கோப்பைப் போட்டிகளில் விளையாடுவேன் என முன்னணி வீரர் கிறிஸ் கெயில் கூறியுள்ளார்.

மேற்கிந்தியத் தீவுகள் அணியைச் சேர்ந்த பிரபல பேட்ஸ்மேன் கிறிஸ் கெயில் இதுவரை 103 டெஸ்டுகள், 301 ஒருநாள், 58 டி20 ஆட்டங்களில் விளையாடியுள்ளார். 

ஏஎன்ஐ செய்தி நிறுவனத்துக்கு அளித்த பேட்டியில் 41 வயது கிறிஸ் கெயில் கூறியதாவது:

இப்போதைக்கு ஓய்வு பெறும் திட்டம் கிடையாது. இன்னும் 5 வருடங்கள் என்னால் விளையாட முடியும் என எண்ணுகிறேன். எனவே 45 வயதுக்கு முன்பு ஓய்வு பெற வாய்ப்பே இல்லை. இன்னும் இரு உலகக் கோப்பைப் போட்டிகளில் விளையாடுவேன் என்றார்.

2021 டி20 உலகக் கோப்பை இந்தியாவிலும் 2022 டி20 உலகக் கோப்பை ஆஸ்திரேலியாவிலும் 2023 ஒருநாள் உலகக் கோப்பை இந்தியாவிலும் நடைபெறவுள்ளன.