ஓவல் டெஸ்ட் வெற்றியைக் கொண்டாடிய இந்திய அணி: பிசிசிஐ வெளியிட்ட விடியோ

ஓவல் டெஸ்ட் வெற்றியை இந்திய அணி கொண்டாடிய விதம் குறித்து விடியோ வெளியிட்டுள்ளது பிசிசிஐ. 

இங்கிலாந்துக்கு எதிரான லண்டன் ஓவல் டெஸ்டை இந்திய அணி வென்று டெஸ்ட் தொடரில் 2-1 என முன்னிலை பெற்றுள்ளது. 4-வது டெஸ்டை வெற்றி பெற இங்கிலாந்து அணிக்கு 368 ரன்கள் இலக்கு நிர்ணயிக்கப்பட்டது. அந்த அணி கடைசி நாளில் 210 ரன்களுக்கு அனைத்து விக்கெட்டுகளையும் இழந்தது. 157 ரன்கள் வித்தியாசத்தில் வெற்றி பெற்ற இந்திய அணி, டெஸ்ட் தொடரில் 2-1 என முன்னிலை வகிக்கிறது. ரோஹித் சர்மா, ஆட்ட நாயகனாகத் தேர்வானார்.

இந்நிலையில் இந்த வெற்றியை இந்திய அணியினர் கொண்டாடிய விதம் மற்றும் ரோஹித் சர்மா, உமேஷ் யாதவ், ஷர்துல் தாக்குர் ஆகியோரின் கருத்துகளைக் கொண்ட விடியோவை பிசிசிஐ வெளியிட்டுள்ளது.