ஆஸி.க்கு எதிரான கடைசி டி20 ஆட்டத்தில் த்ரில் வெற்றி பெற்றது இலங்கை.

முதலிரண்டு ஆட்டங்களில் ஆஸி. அணி வென்றிருந்தது. கடைசி மற்றும் 3-ஆவது ஆட்டம் பல்லகலேயில் சனிக்கிழமை இரவு நடந்தது. முதலில் ஆடிய ஆஸி. அணி 20 ஓவா்களில் 176-5 ரன்களை சோ்த்தது. வாா்னா் 39, ஸ்டீவ் ஸ்மித் 37, ஸ்டாய்னிஸ் 38 ரன்களை எடுத்தனா். இலங்கை தரப்பில் தீக்ஷனா 2 விக்கெட் வீழ்த்தினாா்.

177 ரன்கள் வெற்றி இலக்குடன் ஆடிய இலங்கை அணி 15-ஆவது ஓவரில் 108-6 ரன்களுடன் தடுமாறிக் கொண்டிருந்தது. கேப்டன் தஸுன் ஷனகா-டெயில் எண்டா் சமிகா கருணரத்னே இணைந்து அதிரடியாக ஆடினா். 7-ஆவது விக்கெட்டுக்கு இருவரும் சோ்ந்து 69 ரன்களை சோ்த்தனா். கடைசி ஓவரில் 19 ரன்கள் வெற்றிக்கு தேவைப்பட்ட நிலையில் கேப்டன் ஷனகா 2 பவுண்டரி, 1 சிக்ஸா் அடித்து ஸ்கோரை சமன் பெறச் செய்தாா். கடைசி பந்தில் ஹேசல்வுட் வைட் வீசியதால் இலங்கை வெற்றி கண்டது. ஷனகா 4 சிக்ஸா், 5 பவுண்டரியுடன் 54 ரன்களை விளாசினாா். ஹேசல்வுட், ஸ்டாய்னிஸ் தலா 2 விக்கெட்டுகளை வீழ்த்தினா்.