ஐசிசியின் மகளிர் ஒருநாள் தரவரிசை பட்டியலில் இலங்கையை சேர்ந்த வீராங்கனை முதன்முறையாக முதலிடம் பிடித்து சாதனை படைத்துள்ளார். 

33 வயதாகும் சமாரி அதபத்து இலங்கையின் ஆல்ரவுண்டர். 95 ஒருநாள் போட்டிகளில் 3199 ரன்கள் எடுத்துள்ளார். இதில் 8 சதங்கள், 15 அரைசதங்கள் அடங்கும். 

இதையும் படிக்க: ஆஷஸ் தொடரிலிருந்து விலகினார் நேதன் லயன்! 

நியூசிலாந்து மகளிருக்கு எதிரான போட்டியில் 2 சதங்கள் அடித்தட்தன் மூலம் 758 புள்ளிகளுடன் மகளிர் ஒருநாள் தரவரிசை பட்டியலில் முதலிடம் பிடித்துள்ளார் சமாரி அதபத்து. இரண்டாமிடத்தில் ஆஸ்திரேலிய வீராங்கனை பெத் மோனே இருக்கிறார். 

இதையும் படிக்க: ஐபிஎல் போட்டிகளில் விளையாடாமல் இருப்பதற்காக வீரர்களுக்கு இழப்பீடு வழங்கினோம்: பிசிபி

சனத் ஜெயசூர்யாவிற்கு பிறகு இலங்கையை சேர்ந்த ஒரு இடதுகை பேட்டர் முதலிடம் வகித்துள்ளது குறிப்பிடத்தக்கது. நியூசிலாந்திற்கு எதிரான போட்டியில் அதபத்து- நிலாக்‌ஷி டி சில்வாவுடன் 190 ரன்கள் பார்ட்னர்ஷிப் அமைத்ததுவே மகளிரிர் கிரிக்கெட்டில் இலங்கை அணியின் அதிகபட்ச பார்ட்னர்ஷிப் என்பதும் குறிப்பிடத்தக்கது. 

மேலும், இலங்கை மகளிர் அணிக்காக அதிகபட்ச ரன்கள் அடித்த் முதல் பத்து இடங்களிலும் இருப்பது சமாரி அதபத்து என்பதும் குறிப்பிடத்தக்கது.