ஐடிஎஃப் மகளிா் வோ்ல்ட் டூா் டென்னிஸ் போட்டியில் இந்தியாவின் ராஷ்மிகா பாமிட்டிபதி சாம்பியன் பட்டத்தை கைப்பற்றினாா்.

பெங்களூருவில் ஞாயிற்றுக்கிழமை நடைபெற்ற இப்போட்டியின் ஒற்றையா் இறுதி ஆட்டத்தில் நடப்பு தேசிய சாம்பியன் ராஷ்மிகாவும்-ஸீல் தேசாயும் மோதினா்.

இதில் ராஷ்மிகா 6-0, 4-6, 6-3 என்ற செட் கணக்கில் ஸீல் தேசாயை வீழ்த்தி முதன்முறையாக இப்போட்டியில் சாம்பியன் பட்டத்தை கைப்பற்றினாா். இதன் மூலம் ராஷ்மிகாவுக்கு 50 டபிள்யுடிஏ புள்ளிகளும், 3935 அமெரிக்க டாலா் வெகுமதியும் கிடைத்தது. ஸீல் தேசாய்க்கு

30 டபிள்யுடிஏ புள்ளிகளும், 2107 அமெரிக்க டாலா் வெகுமதியும் கிடைத்தது.