ஒருநாள் போட்டிகளில் ஆஸ்திரேலிய அணியின் முன்னாள் பந்துவீச்சாளர் மறைந்த ஷேன் வார்னேவின் சாதனையை ஆடம் ஸாம்பா நெருங்கி வருகிறார். 

உலகக் கோப்பையில் லக்னௌவில் நடைபெற்று வரும் இன்றையப் போட்டியில் ஆஸ்திரேலியா - இலங்கை அணிகள்  விளையாடி வருகின்றன. இந்தப் போட்டியில் முதலில் பேட் செய்த இலங்கை அணி 209  ரன்களுக்கு ஆட்டமிழந்தது. இந்தப் போட்டியில் ஆஸ்திரேலிய தரப்பில் சிறப்பாக பந்துவீசிய ஆடம் ஸாம்பா 4 விக்கெட்டுகளைக் கைப்பற்றி அசத்தினார். ஒருநாள் போட்டிகளில் 10-வது முறையாக ஆடம் ஸாம்பா 4 விக்கெட்டுகளைக் கைப்பற்றியுள்ளார்.

இதையும் படிக்க: ஆப்கானிஸ்தானுக்கு எதிரான தோல்வி மிகப் பெரிய பின்னடைவு: இங்கிலாந்து கேப்டன்

ஆஸ்திரேலிய அணியின் நட்சத்திர பந்துவீச்சாளரான மறைந்த ஷேன் வார்னேவின் சாதனையை ஆடம் ஸாம்பா நெருங்கி வருகிறார். ஒருநாள் போட்டிகளில் அதிகமுறை 4 விக்கெட்டுகள் எடுத்த ஆஸ்திரேலிய வீரர் என்ற சாதனையை ஷேன் வார்னே தன்வசம் வைத்துள்ளார். ஒருநாள் போட்டிகளில் ஷேன் வார்னே இதுவரை 13 முறை 4 விக்கெட்டுகளைக் கைப்பற்றியுள்ளார்.