குஜராத் அணிக்கு எதிரான இன்றைய லீக் ஆட்டத்தில் ராஜஸ்தான் அணி 197 ரன்களை இலக்காக நிர்ணயித்துள்ளது.

ராஜஸ்தான் அணியில் அதிகபட்சமாக ரியான் பராக் 76 ரன்களும், சஞ்சு சாம்சன் 68 ரன்களையும் சேர்த்தனர். குஜராத் அணியில் உமேஷ் யாதவ், ரஷீத் கான் மற்றும் ரோஹித் ஷர்மா ஆகியோர் தலா 1 விக்கெட்டை வீழ்த்தினர்.

ஐபிஎல் கிரிக்கெட் தொடரின் 24வது லீக் ஆட்டத்தில் குஜராத் டைட்டன்ஸ் அணியும் ராஜஸ்தான் ராயல்ஸ் அணியும் மோதின. இதில் டாஸ் வென்ற குஜராத் அணி பந்து வீச்சை தேர்வு செய்தது. இதனைத் தொடர்ந்து முதலில் களமிறங்கிய ராஜஸ்தான் அணி தொடக்கத்தில் நிதான ஆட்டத்தை வெளிப்படுத்தியது.

தொடக்க ஆட்டக்காரரான ஜெய்ஸ்வால் 24 ரன்களுடனும், ஜாஸ் பட்லர் 8 ரன்களுடனும் ஆட்டமிழந்தனர். அதனைத் தொடர்ந்து களமிறங்கிய அணியின் கேப்டன் சஞ்சு சாம்சன், ரியான் பராக்குடன் சேர்ந்து அதிரடி ஆட்டத்தை வெளிப்படுத்தினார்.

ரியான் பராக் 48 பந்துகளில் 76 ரன்கள் குவித்து ஆட்டமிழந்தார். அதன் பிறகு களமிறங்கிய ஹெட்மயர் 13 ரன்களுடனும், சாம்சன் அரை சதம் கடந்து 68 ரன்களுடனும் களத்தில் இருந்தனர்.

நிர்ணயிக்கப்பட்ட 20 ஓவர்கள் முடிவில் ராஜஸ்தான் அணி 3 விக்கெட்டுகளை இழந்து 196 ரன்களை எடுத்தது.