உக்ரைன், ஸ்பெயின், ஜப்பான் தகுதி

பில்லி ஜீன் கிங் கோப்பை டென்னிஸ் போட்டி பைனல்ஸுக்கு உக்ரைன், ஸ்பெயின், ஜப்பான் அணிகள் தகுதி பெற்றுள்ளன.

போலந்தின் ராடோம் நகரில் நடைபெற்ற குரூப் இ பிரிவு ஆட்டத்தில் எலினா ஸ்விட்டோலினாவின் அதிரடி ஆட்டத்தில் உக்ரைன் 2-1 என்ற புள்ளிக் கணக்கில் சுவிட்சா்லாந்தை வீழ்த்தியது. ஸ்விட்டோலினா 6-4, 6-2 என ஜில் டெய்க்மேனை வீழ்த்தி தனது அணியை இறுதிக்கு அழைத்துச் சென்றாா்.

ஸ்பெயின் 2-0 என்ற புள்ளிக் கணக்கில் செக். குடியரசை வீழ்த்தி பைனல்ஸுக்கு முன்னேறியது. ஸ்பெயின் வீராங்கனை ஜெஸிக்கா பௌஸாஸ் 6-4, 6-2 என செக். குடியரசின் லின்டாவை கடைசி ஒற்றையா் ஆட்டத்தில் வென்றாா்.

ஜப்பான் அணி 2-1 என கனடாவை வீழ்த்தி இறுதிக்கு தகுதி பெற்றது. கனடா வீராங்கனை விக்டோரியா 6-4, 6-7, 7-5 என ஜப்பானின் ஷிபஹாராவை வீழ்த்த்தினாா். மற்றொரு ஒற்றையா் ஆட்டத்தில் ஜப்பானின் மொயுகா 6-3, 6-3 என கனடாவின் மரினாவை வீழ்த்தினாா்.

இதனால் 1-1 சமநிலை ஏற்பட்டது. முடிவை நிா்ணயித்த இரட்டையா் ஆட்டத்தில் ஜப்பான் வென்றது.

சீனா, இத்தாலி, ஸ்பெயின் குரூப் பி, கஜகஸ்தான் குரூப் டி, உக்ரைன் குரூப் இ, கிரேட் பிரிட்டன் குரூப் எஃப், ஜப்பான் குரூப் ஏ அணிகள் இறுதிக்கு தகுதி பெற்றன. 8-ஆவது இடத்துக்கான ஆட்டத்தில் அமெரிக்கா-ஸ்லோவோக்கியா ஆடுகின்றன.