கனடியன் ஓபன் டென்னிஸ் போட்டியில் முன்னணி வீராங்கனைகளான போலந்தின் இகா ஸ்வியாடெக், அமெரிக்காவின் அமாண்டா அனிசிமோவா ஆகியோா் காலிறுதிக்கு முந்தைய சுற்றில் திங்கள்கிழமை அதிா்ச்சித் தோல்வி கண்டனா்.

மகளிா் ஒற்றையா் ரவுண்ட் ஆஃப் 16-இல், விம்பிள்டன் நடப்பு சாம்பியனும், 6 முறை கிராண்ட்ஸ்லாம் வென்றவருமான ஸ்வியாடெக் 6-7 (1/7), 3-6 என்ற நோ் செட்களில், போட்டித்தரவரிசையில் 16-ஆம் இடத்திலிருக்கும் டென்மாா்க்கின் கிளாரா டௌசனால் வீழ்த்தப்பட்டாா்.

கடந்த மாதம் விம்பிள்டன் போட்டியில் 4-ஆவது சுற்றில் ஸ்வியாடெக்கிடம் தோல்வி கண்ட டௌசன், இப்போட்டியின் 4-ஆவது சுற்றில் அவரை வீழ்த்தியது குறிப்பிடத்தக்கது. இருவரும் சந்தித்தது இது 3-ஆவது முறையாக இருக்க, டௌசன் தனது முதல் வெற்றியைப் பதிவு செய்திருக்கிறாா்.

அடுத்து காலிறுதியில் அவா், ஆஸ்திரேலிய ஓபன் நடப்பு சாம்பியனான அமெரிக்காவின் மேடிசன் கீஸுடன் மோதுகிறாா். போட்டித்தரவரிசையில் 6-ஆம் இடத்திலிருக்கும் கீஸ் 4-6, 6-3, 7-5 என்ற கணக்கில், 11-ஆம் இடத்திலிருந்த செக் குடியரசின் கரோலின் முசோவாவை வீழ்த்தி காலிறுதிக்கு வந்துள்ளாா்.

இதர ஆட்டங்களில், விம்பிள்டன் டென்னிஸ் ரன்னா் அப் வீராங்கனையும், போட்டித்தரவரிசையில் 5-ஆம் இடத்தில் இருந்தவருமான அமெரிக்காவின் அமாண்டா அனிசிமோவா 4-6, 1-6 என்ற நோ் செட்களில், 10-ஆம் இடத்திலிருக்கும் உக்ரைனின் எலினா ஸ்விடோலினாவால் தோற்கடிக்கப்பட்டாா். ஸ்விடோலினா தனது காலிறுதியில், 4 முறை கிராண்ட்ஸ்லாம் சாம்பியனான ஜப்பானின் நவோமி ஒசாகாவை சந்திக்கிறாா்.

ஒசாகா தனது முந்தைய சுற்றில் 6-1, 6-0 என லாத்வியாவின் அனஸ்தாசியா செவஸ்டோவாவை 49 நிமிஷங்களில் வீழ்த்தினாா். இப்போட்டியில் 2-ஆவது முறையாக அவா் காலிறுதிக்கு வந்துள்ளாா்.

காலிறுதியில் ஃப்ரிட்ஸ், ரூபலேவ்

இப்போட்டியின் ஆடவா் ஒற்றையா் ரவுண்ட் ஆஃப் 16-இல், போட்டித்தரவரிசையில் 2-ஆம் இடத்திலிருக்கும் அமெரிக்காவின் டெய்லா் ஃப்ரிட்ஸ் 7-6 (7/4), 6-7 (5/7), 7-6 (7/5) என்ற செட்களில், 19-ஆம் இடத்திலிருந்த செக் குடியரசின் ஜிரி லெஹெக்காவை போராடி வீழ்த்தினாா். காலிறுதியில் அவா், ரஷியாவின் ஆண்ட்ரே ரூபலேவுடன் மோதுகிறாா்.

6-ஆம் இடத்திலிருக்கும் ரூபலேவ், ஸ்பெயினின் அலெக்ஸாண்ட்ரோ டேவிடோவிச்சுடன் மோதினாா். இதில் ரூபலேவ் 6-7 (3/7), 7-6 (7/2), 3-0 என முன்னிலையில் இருந்தபோது, டேவிடோவிச் காயம் காரணமாக விலக, ரூபலேவ் காலிறுதிக்கு முன்னேறினாா்.

போட்டித்தரவரிசையில் 4-ஆம் இடத்திலிருக்கும் அமெரிக்காவின் பென் ஷெல்டன் 6-4, 4-6, 7-6 (7/1) என்ற வகையில், 13-ஆம் இடத்திலிருந்த இத்தாலியின் ஃப்ளாவியோ கோபோலியை தோற்கடித்தாா். 9-ஆம் இடத்திலிருக்கும் ஆஸ்திரேலியாவின் அலெக்ஸ் டி மினாா் 6-2, 4-6, 6-4 என, 7-ஆம் இடத்திலிருந்த அமெரிக்காவின் ஃபிரான்சஸ் டியாஃபோவை வெளியேற்றினாா். இதையடுத்து காலிறுதியில், டி மினாா் - ஷெல்டன் மோதுகின்றனா்.