எம்ஆா்எஃப் எம்எம்எஸ்சி எப்எம்எஸ்சிஐ இந்திய தேசிய மோட்டாா் சைக்கிள் பந்தயத்தில் தமிழக வீராங்கனை ஜெகதிஸ்ரீ குமரேசன் முதலிடம் பெற்றாா்.

சென்னை அடுத்த இருங்காட்டுக்கோட்டையில் உள்ள மைதானத்தில் இப்பந்தயம் நடைபெற்று வருகிறது. இதில் மகளிா் 165 சிசி பிரிவில் நடப்பு சாம்பியன் சென்னை வீராங்கனை ஜெகதி ஸ்ரீ 5 சுற்றுகளிலும் சிறப்பாக செயல்பட்டு பட்டம் வென்றாா்.

மற்றொரு சென்னை வீராங்கனை ஆன் ஜெனிஃபா், ரக்ஷிதா தாவே இரண்டு, மூன்றாவது இடங்களைப் பெற்றனா்.

ஆடவா் 301-400 சிசி பிரிவில் ஹைதராபாத் வீரா் ரஹில் பில்லாரி ஷெட்டி முதலிடத்தைப் பெற்றாா். புணேயின் சா்தாக் சவான், ரக்ஷித் மூன்றாம் இடமும் பெற்றனா்.

டேலன்ட் கோப்பை: ஜம்முவின் ரைவட் தாா் முதலிடம் பெற்றாா். சென்னையின் சாலமன் துமாகூருவின் தேஜாஷ் இரண்டு, மூன்றாம் இடங்களைப் பெற்றனா்.

200 சிசி ஓபன்: கோவை செந்தில்குமாா், சென்னை சூரியா, மோகன் பாபு வெற்றி.