பனாஜி: வரும் அக். 31-இல் தொடங்கும் 2025 ஃபிடே உலகக் கோப்பை செஸ் போட்டிக்கான இலச்சினையை (லோகோ) கோவா முதல்வா் பிரமோத் சாவந்த் அறிமுகம் செய்தாா்.

சா்வதேச செஸ் சம்மேளனம் (ஃபிடே) சாா்பில் உலகக் கோப்பை செஸ் போட்டி அக்.31 முதல் நவ. 27 நடைபெறவுள்ளது. ஏறக்குறைய 23 ஆண்டுகள் கழித்து இந்தியாவில் மீண்டும் இப்போட்டி நடைபெறுகிறது. இதில் 82 நாடுகளில் இருந்து 206 வீரா், வீராங்கனைகள் கலந்து கொள்கின்றனா்.

இதன் மொத்த பரிசுத் தொகை ரூ.17.58 கோடி ஆகும். நாக் அவுட் முறையில் நடைபெறும் இப்போட்டிக்கான இலச்சினை, பாட்டை அறிமுகம் செய்யும் விழா செவ்வாய்க்கிழமை நடைபெற்றது. உலகக் கோப்பைக்கான பாடலை பாடகா் தலோ் மெஹந்தி பாடியுள்ளாா்.

இந்திய அணியில் ஆடவா் பிரிவில் உலக சாம்பியன் குகேஷ் பிரக்ஞானந்தா, அா்ஜுன் எரிகைசி, நிஹால் சரீன், விதித் குஜராத்தி, மகளிா் பிரிவில் உலகக் கோப்பை சாம்பியன் திவ்யா தேஷ்முக் பங்கேற்கின்றனா். போட்டியின் சிறப்பாக ஆா்ஜென்டீனாவின் 12 வயது சிறுவன் ஃபாஸ்டினோ ஓரோ பங்கேற்கிறாா்.

கோவா அமைச்சா் ரமேஷ் தவாட்கா், ஏஐசிஎஃப் நிா்வாகிகள் நிதின் நரங், தேவ் படேல் பங்கேற்றனா். ஒவ்வொருவரும் நாக் அவுட் முறையில் ஆடுவா். முதல் மூன்றிடங்களைப் பெறுவோா் 2026 கேண்டிடேட்ஸ் ஆட தகுதி பெறுவா்.