திமுக எம்.எல். ஏ.-க்கள் கூட்டம் வரும் ஜனவரி 7-ஆம் தேதி, எதிர்க்கட்சித் தலைவர் மு.க.ஸ்டாலின் தலைமையில் சென்னையில் நடைபெறுகிறது.
 சட்டப்பேரவை கூட்டத் தொடர் ஜனவரி 8 -ஆம் தேதி தொடங்க உள்ளது. இந்நிலையில், சட்டப்பேரவையில் திமுக உறுப்பினர்களின் செயல்பாடுகள் எப்படி இருக்க வேண்டும் என்பது தொடர்பாக இந்தக் கூட்டத்தில் ஆலோசிக்கப்படவுள்ளது.
 அண்ணா அறிவாலயத்தில் ஜனவரி 7 -ஆம் தேதி மாலை 5 மணிக்கு, எதிர்க்கட்சித் தலைவரும், திமுக செயல் தலைவருமான மு.க.ஸ்டாலின் தலைமையில் நடைபெறவுள்ள இந்தக் கூட்டத்தில், திமுக எம்.எல்.ஏ.க்கள் அனைவரும் தவறாது கலந்து கொள்ள வேண்டும் என சட்டப்பேரவை திமுக கொறடா அர. சக்கரபாணி அறிவிப்பு வெளியிட்டுள்ளார்.