பாரதிய ஜனதா கட்சியின் மாநில பொதுச்செயலர் எஸ்.ஆர். சரவணப்பெருமாள் (57) பிப். 21ஆம் தேதி காலமானார்.
தூத்துக்குடியைச் சேர்ந்த எஸ்.ஆர். சரவணப்பெருமாள் உடல்நலக் குறைவு காரணமாக மதுரையில் உள்ள தனியார் மருத்துவமனையில் சிகிச்சை பெற்று வந்தபோது உயிரிழந்தார். அவரது உடல் தூத்துக்குடிக்கு கொண்டுவரப்பட்டது.
பாரதிய ஜனதா கட்சியின் தொடக்க கால உறுப்பினரான எஸ்.ஆர். சரவணப்பெருமாள் திருமணம் செய்துகொள்ளவில்லை. அவரது உடலுக்கு மத்திய இணை அமைச்சர் பொன். ராதாகிருஷ்ணன், தமிழக பாஜக தலைவர் தமிழிசை செளந்தரராஜன் உள்ளிட்ட முக்கியப் பிரமுகர்கள் நேரில் அஞ்சலி செலுத்தினர்.
இறுதிச் சடங்குகள் புதன்கிழமை (பிப்.22) காலை 10 மணியளவில் தூத்துக்குடி ஆசிரியர் காலனி 2ஆவது தெருவில் உள்ள அவரது இல்லத்தில் நடைபெறுகிறது.
தொடர்புக்கு: 9994530133.