முன்னாள் அமைச்சர் செந்தில் பாலாஜி ஒன்றும் தியாகி இல்லை என்று அமைச்சர் செல்லூர் ராஜூ தெரிவித்துள்ளார்.

இதுகுறித்து அவர் மதுரையில் செய்தியாளர்களுக்கு அளித்த பேட்டியில் கூறியதாவது, 
திமுகவில் கவுன்சிலராக இருந்த செந்தில் பாலாஜியை அமைச்சர் பதவி கொடுத்து அதிமுக அழகு பார்த்தது. திமுகவில் யாரேனும் இணைந்தால் அது தற்கொலைக்கு சமம். 

உண்மையான அதிமுக தொண்டர்கள் யாரும் கட்சியை விட்டு செல்ல மாட்டார்கள். கரூர் மாவட்டத்தில் முன்பை விட அதிமுக சிறப்பாக வளர்ச்சியடைந்து உள்ளது. 

பிரதமர் மோடி கஜா புயல் பாதித்த பகுதிகளை பார்வையிடாதது எங்களுக்கு ஒரு பொருட்டல்ல. தேவையான நிதியை ஒதுக்கினாலே போதும். புயலால் பாதித்த மக்களுக்கு தேவையான நிவாரண பணிகளை தமிழக அரசு மேற்கொண்டு வருகிறது என்றார்.