சென்னை: சினிமாவில் வருவது போல நல்லது செய்து அதன் காரணமாக ரஜினிகாந்த் சிறைக்கு செல்வதை விரும்பவில்லை என்று அவரது அரசியல் பிரவேசத்திற்கு ஒரு வித்தியாசமான வாழ்த்து  தெரிவிக்கப்பட்டுள்ளது  

கடந்த மாத இறுதியில் தொடர்ச்சியாக ஐந்து நாட்கள் தனது ரசிகர்கள் சந்திப்பு நிகழ்ச்சியினை நடத்தி வந்த நடிகர் ரஜினிகாந்த், அதன் இறுதிநாளான டிசம்பர் 31-ஆம் தேதி தனது அரசியல் பிரவேசத்தை அறிவித்தார். அதற்கு இதுவரை கலவையான கருத்துக்களை எதிர்வினையாக வந்து கொண்டுள்ளன.

அந்த வரிசையில் இலங்கை முன்னாள் அதிபர் மஹிந்த ராஜபக்க்ஷேவின் மகனான நமல் ராஜபக்க்ஷே தனது டிவிட்டர் பக்கத்தில் ரஜினியின் அரசியல் பிரவேசத்தை ஆதரித்து பதிவிட்டுள்ளார். அதில் அவர் கூறியுள்ளதாவது:

எனது தந்தை ராஜபக்க்ஷேவுக்கு பிடித்தமான நடிகர்களில் ஒருவரான ரஜினிகாந்த் அரசியலில் நுழையவிருக்கிறார். சிறப்பான செய்தி. சினிமாவைப் போலவே வாழ்க்கையும் இருக்காது என்று நம்புகிறேன்.அவரது படமான சிவாஜியில் வருவது போன்று நல்லது செய்து அதன் காரணமாக ரஜினிகாந்த் சிறைக்கு செல்வதை விரும்பவில்லை. அரசியலுக்கு ரஜினிகாந்தை வரவேற்கிறேன்.

இவ்வாறு நமல் ராஜபக்க்ஷே தெரிவித்துள்ளார்.