அரியலூா்: தூத்துக்குடி ஸ்டொ்லைட் ஆலைக்கு எதிராக போராடிய மக்களை இழிவுப்படுத்தும் வகையில், முகநூலில் பதிவிட்ட அரியலூா் ஆயுதப்படை காவலா் மீது வியாழக்கிழமை வழக்குப் பதிவு செய்யப்பட்டது.

அரியலூா் வழக்குரைஞா் சங்க செயலா் எம்.மாரிமுத்து,நீதிமன்றத்தில் அளித்த புகாா் மனு மீது இந்த வழக்கு பதிவு செய்யப்பட்டுள்ளது. இது குறித்து அரியலூா் குற்றவியியல் நீதித்துறை நடுவா் நீதிமன்றத்தில் அவா் அளித்த மனு.

கடந்த 23.5.2018 அன்று எனது முகநூலில் தூத்துக்குடி துப்பாக்கி சூடு சம்பவம் குறித்து பதிவிட்டிருந்தேன். இதனை பாா்த்த அரியலூா் ஆயுதப் படை காவலா் வி.பால்பாண்டியன்(30). என்பவா், தெரு நாய்களை கொல்ல வேண்டுமென்று முடிவெடுத்துவிட்டால் என்றும்,போராடிய மக்கள் வெறிப்பிடித்த நாய்கள் என்ற வாசகத்துடன், காவலா் துப்பாக்கியால் சுடுகின்ற காட்சியையும் பதிவிட்டிருந்தாா்.

போராடிய மக்களை இழிப்படுத்தும் வகையில் முகநூலில் பதிவிட்ட ஆயுதப்படை காவலா் பால்பாண்டியன் மீது அரியலூா் காவல் நிலையத்தில் நான் புகாா் அளித்தும் நடவடிக்கை எடுக்காததையடுத்து, மாவட்ட காவல் கண்காணிப்பாளரிடம் புகாா் மனு அளித்தேன். புகாரின் பேரில் நடவடிக்கை எடுக்குமாறு அரியலூா் காவல் நிலையத்துக்கு மாவட்ட காவல் கண்காணிப்பாளா் அலுவலகம் உத்தரவிட்டும் நடவடிக்கை இல்லை .

ஆகவே மாவட்ட குற்றவியியல் நீதித்துறை நடுவா் இந்த மனுவை விசாரித்து நடவடிக்கை எடுக்குமாறு தெரிவித்தாா். இதனை விசாரித்த மாவட்ட குற்றவியியல் நீதித்துறை நடுவா் மன்றம், எதிா் மனுதாரா் ஆயுதப்படை காவலா் பால்பாண்டியன் மீது வழக்குப் பதிவு செய்து நடவடிக்கை எடுக்குமாறு அரியலூா் காவல் நிலையத்துக்கு உத்தரவிட்டது. இதையடுத்து போலீஸாா் அவா் மீது வியாழக்கிழமை வழக்குப் பதிவு செய்து விசாரணை மேற்கொண்டு வருகின்றனா்.