மக்களவைத் தேர்தலில் நீங்கள் ஆதரவு தர வேண்டும் என்று கமல் கூறியுள்ளாரே என்று ரஜினியிடம் செய்தியாளர்கள் கேட்டபோது, என்னுடைய அரசியல் நிலைப்பாட்டைப் பற்றி நான் ஏற்கெனவே சொல்லிவிட்டேன். அதில், எந்த மாற்றமும் இல்லை என்றார்.
அதன் பிறகும் செய்தியாளர்கள் தொடர்ந்து கமலுக்கு ஆதரவு தெரிவிப்பது குறித்து கேள்வி எழுப்பினர். அதற்கு, இதற்கு மேல், இதைப் பற்றி நான் எதுவுமே பேச விரும்பவில்லை. இதை தயவு செய்து ஊடகங்கள் பெரிதாக்கி, எங்களுடைய நட்பைக் கெடுத்துவிடாதீர்கள் என்றார் ரஜினி.
கமலுக்கு நிராகரிப்பு: மக்களவைத் தேர்தலில் ரஜினி எங்களை ஆதரிப்பார் என்று நம்புகிறோம் என்று மக்கள் நீதி மய்யத்தின் தலைவர் கமல் ஒருமுறை செய்தியாளர்களிடம் கூறினார்.  மற்றொரு முறை, எங்களை ஆதரிப்பதாக ரஜினி என்னிடம் கூறினார். ஆனால், தொடர்ந்து ஆதரியுங்கள் என்று கோர முடியாது. அவராகத்தான் ஆதரிக்க வேண்டும் என்று கமல் கூறியிருந்தார். எனினும், கமலின் வேண்டுகோளை ரஜினி நிராகரித்துள்ளார்.