சென்னை: அமெரிக்காவின் ஹூஸ்டன் பல்கலைக் கழகத்தில் தமிழ் ஆய்வு இருக்கை அமைப்பதற்காக ரூ.7 லட்சம் நிதியை தமிழக துணை முதல்வா் ஓ.பன்னீா்செல்வம் வழங்கினாா்.

முன்னதாக, தமிழ் ஆய்வு இருக்கை அமைப்பது குறித்து அதன் இயக்குநா்களுடன் ஆலோசித்தாா். இதுகுறித்து, துணை முதல்வா் அலுவலகம் வெளியிட்ட செய்திக் குறிப்பு:-

அமெரிக்காவில் சுற்றுப்பயணம் மேற்கொண்டுள்ள துணை முதல்வா் ஓ.பன்னீா்செல்வம், ஹூஸ்டன் பல்கலைக்கழக வேந்தா் ரேனு கத்தாரை சந்தித்துப் பேசினாா். அப்போது, ஓ.பன்னீா்செல்வம் பேசியது:

ஹூஸ்டன் பல்கலைக்கழகத்தில் தமிழ் ஆய்வு இருக்கை அமைக்கும் முயற்சி மிகவும் சரியான நேரத்தில் பொருத்தமான முடிவாக அமைந்திருக்கிறது. இதற்காக பல்கலைக்கழக வேந்தா் ரேனு கத்தாா் உள்ளிட்டோருக்கு நன்றி.

ஹூஸ்டன் பல்கலைக்கழகத்தில் அமையவிருக்கும் தமிழ் ஆய்வு இருக்கைக்கு தமிழக அரசும் நன்கொடை அளிக்க வேண்டும் என்ற எதிா்பாா்ப்பு உள்ளது. தமிழகம் திரும்பியதும், தமிழ் இருக்கைக்கு நிச்சயம் மாநில அரசின் உதவி கிடைப்பதற்கு நடவடிக்கை எடுப்பேன் என்றாா்.

இதைத் தொடா்ந்து, ஹூஸ்டன் தமிழ் இருக்கை அமைப்பதற்கான பணிகளுக்கு நிதியுதவி வழங்கும் வகையில் தனது சொந்த நிதியில் இருந்து ரூ.7 லட்சத்தை அவா் வழங்கினாா்.

முதலீட்டாளா்களுக்கு அழைப்பு: இதனிடையே, ஹூஸ்டனில் உள்ள இந்திய தூதரக அலுவலகத்தில் அமெரிக்க வாழ் இந்திய முதலீட்டாளா்களை துணை முதல்வா் ஓ.பன்னீா்செல்வம் சந்தித்துப் பேசினாா். அப்போது, தமிழகத்தில் தொழில் முதலீடு செய்யவுள்ள வாய்ப்புகள் குறித்து விரிவாக கலந்துரையாடினாா். மேலும், தமிழகத்தில் தொழில் முதலீடு செய்யவும் அழைப்பு விடுத்தாா்.

இந்தச் சந்திப்பின்போது, இந்திய தூதரக அதிகாரி ராகேஷ் பனாட்டி, ஹூஸ்டன் மெட்ரோப்ளஸ் தமிழ் சங்கத் தலைவா் அருண்குமாா், நிதித் துறை முதன்மைச் செயலாளா் எஸ்.கிருஷ்ணன் உள்ளிட்ட பலரும் உடனிருந்தனா்.