மஹா சிவராத்திரியை முன்னிட்டு, பயணிகள் வசதிக்காக தாம்பரம்-திருநெல்வேலிக்கு சுவிதா சிறப்பு ரயில் இயக்கப்படவுள்ளது.

தாம்பரம்-திருநெல்வேலி: தாம்பரத்தில் இருந்து பிப்ரவரி 20-ஆம்தேதி இரவு 8.50 மணிக்கு சுவிதா சிறப்பு ரயில் (82603) புறப்பட்டு, மறுநாள் காலை 8.45 மணிக்கு திருநெல்வேலியை அடையும்.

திருநெல்வேலி-தாம்பரம்: திருநெல்வேலியில் இருந்து பிப்ரவரி 22-ஆம் தேதி மாலை 6 மணிக்கு சுவிதா சிறப்பு ரயில் (82604) புறப்பட்டு, மறுநாள் அதிகாலை 5 மணிக்கு தாம்பரத்தை அடையும்.

இந்த ரயிலுக்கான டிக்கெட் முன்பதிவு, வெள்ளிக்கிழமை (பிப்.14) காலை 8 மணிக்கு தொடங்குகிறது.