மறைந்த தமிழக முதல்வர் ஜெயலலிதாவின் 72வது பிறந்தநாள் விழா தூத்துக்குடி தெற்கு மாவட்ட அதிமுக சார்பில் தூத்துக்குடி டூவிபுரம் 7வது தெரு மாவட்ட அலுவலகம் முன்பு நடைபெற்றது. 

தூத்துக்குடி தெற்கு மாவட்ட அதிமுக செயலாளரும், முன்னாள் அமைச்சருமான எஸ்.பி.சண்முகநாதன் எம்.எல்.ஏ தலைமையில் அதிமுகவினர் நூற்றுக்கணக்கானோர் கலந்து கலந்துகொண்டனர். பின்னர் அங்கு அமைக்கப்பட்டிருந்த அலங்கரிக்கப்பட்ட ஜெயலலிதாவின் திருவுருவப் படத்திற்கு மாலை அணிவித்து, மலர்தூவி, பட்டாசு வெடித்து இனிப்பு வழங்கி கொண்டாடினர்.