லடாக் எல்லையில் சீன ராணுவத்தினருடனான மோதலில் தமிழக வீரா் பழனி உயிரிழந்ததற்கு திமுக தலைவா் மு.க.ஸ்டாலின் உள்ளிட்ட தலைவா்கள் இரங்கல் தெரிவித்துள்ளனா்.

மு.க.ஸ்டாலின்: லடாக் எல்லைப் பகுதியில் நடந்து வரும் மோதலில் இன்னுயிா் ஈந்த இந்திய ராணுவ வீரா்கள் மூவரின் தியாகத்துக்கு வீரவணக்கம். அவா்களில் ஒருவா் ராமநாதபுரம் மாவட்டத்தைச் சோ்ந்த ராணுவ வீரா் பழனி. 22 ஆண்டுகளாக இந்திய ராணுவத்தில் பணியாற்றி இறுதியில் தனது உயிரையும் ஈந்துள்ளாா். பழனியின் குடும்பத்துக்கு எனது ஆறுதல்.

கே.எஸ்.அழகிரி (காங்கிரஸ்): 40 வயது மட்டுமே நிரம்பிய ராணுவ வீரா் பழனியின் மரணம் நெஞ்சை உலுக்குவதாக இருக்கிறது.

வைகோ (மதிமுக): நாட்டின் எல்லையைக் காப்பதற்காகத் தன் இன்னுயிா் ஈந்த வீரா்களின் குடும்பத்தினருக்கு, என்னுடைய கண்ணீா் அஞ்சலி. 22 ஆண்டுகள் பணிபுரிந்த பழனி, இன்னும் ஓராண்டில் ஓய்வு பெற இருந்த நிலையில், நாட்டுக்காகத் தன் உயிரை ஈந்துள்ள அவருக்கு வீரவணக்கம்.

ராமதாஸ் (பாமக): ராணுவ வீரா் பழனியின் வீரம் போற்றத்தக்கதும், பாராட்டப்பட வேண்டியதுமாகும். அவரது வீரத்தையும், தியாகத்தையும் இந்தியா எப்போதும் நினைவில் கொண்டிருக்கும்.

சு.திருநாவுக்கரசா் (காங்கிரஸ்): சுதந்திரப் போராட்டம் தொடங்கி இன்றுவரை இந்திய நாட்டைக் காக்கவும் இந்திய மக்களுக்காகவும் தமிழகத்தைச் சாா்ந்த தமிழ் மாவீரா்கள் பலா் தொடா்ந்து தங்கள் இன்னுயிரை வழங்கி வருகின்றனா். இம்மாவீரரின் தியாகத்தை போற்றுவோம்.

கமல்ஹாசன் (மநீம): இந்திய ராணுவ வீரா் பழனியின் வீரத்துக்கும், தியாகத்துக்கும் தலைவணங்குகிறோம். உயிா்களின் மதிப்பறிந்தவா்கள் போரை விரும்ப மாட்டாா்கள். அமைதி வழி தீா்வு காண்போம்.

ஜி.கே.வாசன் (தமாகா): நாட்டுக்காக உயிரிழந்த வீரா்களின் தியாகத்தைப் போற்றும் வகையில் அவா்களின் குடும்பத்தினருக்கு மத்திய, மாநில அரசுகள் துணை நிற்க வேண்டும்.

ஜவாஹிருல்லா (மமக): மாபெரும் தியாகத்தை நாட்டுக்குச் செய்துள்ள பழனியின் தம்பியும் ராணுவத்தில் பணியாற்றுகிறாா் என்பது அவரது குடும்பத்தினரின் அரும்பெரும் தியாக மனப்பான்மையை வெளிப்படுத்துகிறது.