திமுக பொதுச்செயலாளர் க. அன்பழகனுக்கு தீவிர சிகிச்சை அளிக்கப்பட்டு வருவதாக திமுக தலைவர் மு.க. ஸ்டாலின் தெரிவித்துள்ளார்.

திமுக பொதுச்செயலாளர் க. அன்பழகன் உடல்நலக் குறைவு காரணமாக சென்னை அப்பல்லோ மருத்துவமனையில் சிகிச்சை பெற்று வருகிறார். இந்நிலையில் திமுக தலைவர் மு.க. ஸ்டாலின் மருத்துவமனைக்குச் சென்று அவரது உடல்நலம் குறித்து கேட்டறிந்தார்.

இதன்பிறகு செய்தியாளர்களிடம் பேசிய மு.க. ஸ்டாலின்,

"க. அன்பழகனுக்கு தீவிர சிகிச்சை அளிக்கப்படுகிறது. வயது முதிர்வு காரணமாக சிகிச்சைக்குப் பலனளிக்காமல் அவரது உடல்நிலை இருந்து வருகிறது. இருப்பினும் அவர் தொடர் மருத்துவக் கண்காணிப்பிலேயே உள்ளார்" என்றார்.