கரோனா வைரஸ் பரவல் காரணமாக சென்னையில் 9ஆவது நாளாக விமான சேவை பாதிக்கப்பட்டுள்ளது. 

சீனாவில் வூஹான் மாகாணத்தில் கண்டறியப்பட்ட கரோனா வைரஸ் தற்போது உலகத்திற்கே அச்சுறுத்தலாக உருமாறியுள்ளது. இதுவரை இந்தியாவில் 115 பேர் இந்த வைரஸ் பாதிப்பிற்கு உள்ளாகியுள்ளதாக அதிகாரப்பூர்வமாக அறிவிக்கப்பட்டுள்ளது. 

கரோனா வைரஸ் பரவலைத் தடுக்க உலக நாடுகள் பல்வேறு பாதுகாப்பு நடவடிக்கைகளை மேற்கொண்டு வருகின்றன. இந்நிலையில் கரோனா வைரஸ் பரவல் காரணமாக வெளிநாடுகளில் இருந்து சென்னை வந்து செல்லும் 18 விமான சேவைகள் இன்றும் ரத்தாகின. 

கரோனா வைரஸ் தாக்கத்தால் 9 நாட்களில் 150 விமான சேவைகள் ரத்து செய்யப்பட்டுள்ளன.