தாராபுரத்தில் அதிமுக, பாஜக முகவர்கள் இல்லாத வாக்குச்சாவடிகள்

தாராபுரம் நகரில் இஸ்லாமியர்கள் அதிகமாக உள்ள 4 வாக்குச்சாவடிகளில் அதிமுக, பாஜக சார்பில் முகவர்கள் இல்லாதது பரபரப்பை ஏற்படுத்தியுள்ளது.

தாராபுரம் தனி தொகுதியில் பாஜக சார்பில் எல்.முருகனும், திமுக சார்பில் கயல்விழி செல்வராஜூம் போட்டியிடுகின்றனர். தாராபுரம் புதுகாவல் நிலைய வீதியில் உள்ள நகராட்சி நடுநிலைப்பள்ளியில் 134, 134ஏ,136, 137  ஆகிய 4 வாக்குச்சாவடிகள் உள்ளன. 

இதில், தாராபுரம் நகரில் உள்ள வார்டு எண் 5.6 இல் மொத்தமாக 2,241 வாக்காளர்கள் உள்ளனர். இதில், இஸ்லாமியர்களின் வாக்கு அதிகமாக உள்ளது. 

இந்த வாக்குச்சாவடிகளில் அதிமுக, பாஜக சார்பில் முகவர்கள் நியமிக்கப்பட்டிருந்தும் யாரும் பணியாற்றவில்லை என்பது குறிப்பிடத்தக்கது.