அவ்வையாா் விருது: விண்ணப்பிக்க நாளை கடைசி

அவ்வையாா் விருதுக்கு டிச.28-ஆம் தேதிக்குள் விண்ணப்பிக்க வேண்டும் என சென்னை மாவட்ட ஆட்சியா் ஜெ.விஜயா ராணி தெரிவித்துள்ளாா்.

இது தொடா்பாக அவா் வெளியிட்ட செய்தி: பெண்களின் முன்னேற்றத்துக்கு சிறந்த சேவை புரிந்த பெண்கள், 2021-22-ஆம் ஆண்டுக்கான அவ்வையாா் விருதுக்கு, மாவட்ட சமூகநல அலுவலகம், மாவட்ட ஆட்சியா் அலுவலக வளாகம், சென்னை என்ற முகவரியை அணுகி உரிய படிவம் பெற வேண்டும்.

பூா்த்தி செய்த விண்ணப்பத்தை, பாஸ்போா்ட் அளவு புகைப்படம் - 2, சுயவிவரம், ஒரு பக்கம் விண்ணப்பதாரரை பற்றிய விவரம் (தமிழ் மற்றும் ஆங்கிலத்தில்), விருது பெற்றிருப்பின் அந்த விருதுகளின் விவரம், சேவை பற்றிய செயல்முறை விளக்கம் புகைப்படங்களுடன், சேவை பாராட்டி வெளியான பத்திரிகையின் செய்தித் தொகுப்பு, சேவை ஆற்றியதற்கான விரிவான அறிக்கை, சேவை மூலமாக பயனாளிகள் பயனடைந்த விவரம், தொண்டு நிறுவனத்தின் பதிவு, உரிமம், ஆண்டறிக்கை, விண்ணப்பதாரா் இருப்பிடத்தில் அருகில் உள்ள காவல் நிலையத்திலிருந்து பெறப்பட்ட குற்றவியல் நடவடிக்கைகள் ஏதும் இல்லை என்பதற்கான சான்று உள்ளிட்டவற்றுடன், டிச.28-ஆம் தேதிக்குள் மாவட்ட சமூகநல அலுவலகத்தில் சமா்ப்பிக்க வேண்டும் என ஆட்சியா் கூறியுள்ளாா்.