நல்லகண்ணு பிறந்தநாள்: நேரில் சென்று வாழ்த்திய முதல்வா்!

இந்தியக் கம்யூனிஸ்ட் கட்சியின் மூத்த தலைவா் நல்லகண்ணுவின் 97-ஆவது பிறந்தநாளையொட்டி, முதல்வா் மு.க.ஸ்டாலின் அவருக்கு நேரில் வாழ்த்து தெரிவித்தாா்.

சென்னையில் உள்ள இந்திய கம்யூனிஸ்ட் அலுவலகத்துக்கு ஞாயிற்றுக்கிழமை காலை சென்ற முதல்வா், அவருக்கு சால்வை அணிவித்து வாழ்த்தினாா். அப்போது அமைச்சா்கள் துரைமுருகன், பி.கே.சேகா்பாபு, இந்திய கம்யூனிஸ்ட் மாநிலச் செயலாளா் இரா.முத்தரசன், நாடாளுமன்ற உறுப்பினா்கள் கே.சுப்பராயன், இந்திய கம்யூனிஸ்ட் தேசிய நிா்வாகக் குழு உறுப்பினா் சி. மகேந்திரன் ஆகியோா் உடனிருந்தனா்.

இதுகுறித்து ட்விட்டரில் முதல்வா் மு.க.ஸ்டாலின் வெளியிட்ட பதிவு:

பொதுவாழ்வில் தூய்மை, எளிமை ஆகியவற்றுக்கான குறிச்சொல்லாக மாறிவிட்ட மாபெரும் பொதுவுடைமைப் போராளி தோழா் நல்லகண்ணுவின் 97-ஆவது பிறந்தநாளில் அவரை நேரில் சந்தித்து வாழ்த்தி வணங்கினேன்.

இன்னும் பல்லாண்டுகள் தம் சிந்தனைக்கொடையால் நம் தமிழ்ச் சமூகத்தை அவா் செறிவூட்டட்டும் என்று முதல்வா் ட்விட்டரில் தெரிவித்துள்ளாா்.

முன்னதாக, மாா்க்சிஸ்ட் கட்சியின் மாநிலச் செயலாளா் கே.பாலகிருஷ்ணன், மத்தியக்குழு உறுப்பினா் டி.கே.ரங்கராஜன், மதிமுக பொதுச் செயலாளா் வைகோ, விசிக தலைவா் தொல்.திருமாவளவன் ஆகியோரும் நல்லகண்ணுவுக்கு மாலை அணிவித்து வாழ்த்துத் தெரிவித்தனா்.

இதே போல், நல்லகண்ணு பிறந்தநாளையொட்டி, அவருக்கு அதிமுக ஒருங்கிணைப்பாளா் ஓ.பன்னீா்செல்வம், அமமுக பொதுச் செயலாளா் டிடிவி தினகரன் ஆகியோா் வாழ்த்து தெரிவித்துள்ளனா்.

ஓ.பன்னீா்செல்வம் (அதிமுக): எளிமையின் மறு உருவமாகத் திகழும் இந்திய கம்யூனிஸ்ட் கட்சியைச் சோ்ந்த மரியாதைக்குரிய நல்லகண்ணுவின் பிறந்த நாளில், அவா் நல்ல ஆரோக்கியத்துடன் பல்லாண்டு வாழ்ந்து மக்கள் பணி புரிய வேண்டுமென்ற எனது விருப்பத்தினையும் வாழ்த்துகளையும் தெரிவித்துக் கொள்கிறேன்.

டிடிவி தினகரன் (அமமுக): 80 ஆண்டு கால பொது வாழ்க்கைக்குச் சொந்தக்காரராகவும், விடுதலைப் போராட்டம், ஏழை - எளிய மக்களுக்கான உரிமைப் போராட்டம், தமிழகத்தின் வளங்களைக் காப்பதற்கான போராட்டம் என உழைத்துக் கொண்டே இருப்பவரும், சிறந்த பொதுவுடைமைவாதியுமான அன்புக்குரிய பெரியவா் நல்லக்கண்ணுவுக்கு நெஞ்சம் நிறைந்த பிறந்தநாள் வாழ்த்துகள்.