துக்ளக் ஆண்டு விழாவில் பங்கேற்பதற்காக ஜனவரி 14-ம் தேதி தமிழகம் வரவிருந்த மத்திய உள்துறை அமைச்சர் அமித் ஷாவின் பயணம் ரத்து செய்யப்பட்டுள்ளது.
இந்த விழாவில் அமித் ஷாவுக்குப் பதில் பாஜக தேசியத் தலைவர் ஜெ.பி. நட்டா பங்கேற்கவிருப்பதாகத் தகவல்கள் வெளியாகியுள்ளன.
ஏற்கெனவே கடந்தாண்டு டிசம்பர் 30 மற்றும் 31 ஆகிய தேதிகளில் நட்டா தமிழகம் வர திட்டமிட்டிருந்தார். ஆனால், அவருக்கு நோய்த் தொற்று இருப்பது உறுதியானதைத் தொடர்ந்து அந்தப் பயணம் ரத்து செய்யப்பட்டது.
தமிழகத்தில் அதிமுக கூட்டணியின் முதல்வர் யார் என்பதில் அதிமுக மற்றும் பாஜக இடையே குழப்பம் நீடித்து வருகிறது. முதல்வர் எடப்பாடி கே. பழனிசாமிதான் முதல்வர் வேட்பாளர் என அதிமுக அதிகாரப்பூர்வமாக அறிவித்துவிட்டது. ஆனால், பாஜகவின் தலைமையே முதல்வர் வேட்பாளரை அறிவிக்கும் என பாஜக தொடர்ந்து தெரிவித்து வருகிறது.
இந்த நிலையில், நட்டாவின் தமிழக பயணம் முக்கியத்துவம் வாய்ந்ததாகப் பார்க்கப்படுகிறது.