சென்னை: வடக்கு வங்கக்கடல் மற்றும் அதையொட்டிய பகுதிகளில் வரும் வெள்ளிக்கிழமை (ஜூன் 11) புதிய காற்றழுத்தத்தாழ்வுப் பகுதி உருவாகவுள்ளது.

இது குறித்து சென்னை வானிலை ஆய்வு மைய அதிகாரி கூறியது: வெள்ளிக்கிழமை உருவாகவுள்ள புதிய காற்றழுத்தத் தாழ்வுப்பகுதி ஜூன் 12-ஆம்தேதி மேலும் வலுவடையவுள்ளது. இது அடுத்தடுத்து வலுவடைந்து புயலாக மாற வாய்ப்பு இல்லை. அதேநேரத்தில், இந்தப் பகுதியில் காற்றின் வேகம் அதிகமாக இருக்கும். மீனவா்கள் இந்தப் பகுதிக்குச் செல்வதைத் தவிா்க்க வேண்டும் என்று அறிவுறுத்தப்பட்டுள்ளது.