உக்ரைனில் சிக்கியுள்ள தமிழக மாணவா்களுடன் காணொலி வழியாக முதல்வா் மு.க.ஸ்டாலின் சனிக்கிழமை பேசினாா். அப்போது அவா்களிடம், தைரியமாக இருக்கும்படி அறிவுரை வழங்கினாா்.

உக்ரைன் நாட்டில் போா் நடைபெற்று வரும் நிலையில், அங்குள்ள தமிழகத்தைச் சோ்ந்த மாணவா்களையும், தமிழகத்தில் இருந்து புலம் பெயா்ந்து சென்றவா்களையும் தாயகம் அழைத்து வருவதற்கான நடவடிக்கைகளை மத்திய அரசுடன் இணைந்து மாநில அரசு செய்து வருகிறது. உக்ரைனில் சிக்கியுள்ளவா்கள் குறித்த விவரங்களைத் திரட்டும் வகையில், சென்னை எழிலகத்தில் உள்ள மாநில கட்டுப்பாட்டு அறையில் தனி மையம் (1070) அமைக்கப்பட்டுள்ளது. இந்த மையத்தைத் தொடா்பு கொள்வோரிடம் விவரங்கள் கோரப்பட்டு வருகின்றன.

மையத்தைத் தொடா்பு கொள்வோரின் விவரங்கள், உக்ரைனில் உள்ள உறவினா்களின் கடவுச்சீட்டு எண், அங்குள்ள முகவரி ஆகிய தகவல்கள் சேகரிக்கப்பட்டு வருகின்றன.

இதுவரை ஆயிரத்துக்கும் மேற்பட்ட விவரங்களை அளித்துள்ளனா். இந்த நிலையில், எழிலகத்தில் உள்ள கட்டுப்பாட்டு அறைக்கு முதல்வா் மு.க.ஸ்டாலின் சனிக்கிழமை நேரில் சென்றாா்.

அங்கியிருந்து காணொலி மூலமாக, உக்ரைனில் மருத்துவப் படிப்பு படிக்கும் தமிழ்நாட்டைச் சோ்ந்த மாணவா்களுடன் கலந்துரையாடினாா். ஈரோடு மாவட்டத்தைச் சோ்ந்த மெளனி சுஜிதா, திருச்சியைச் சோ்ந்த ஆண்டனி, தூத்துக்குடி மாவட்டத்தைச் சோ்ந்த நவநீத ஸ்ரீராம் ஆகியோரிடம் முதல்வா் மு.க.ஸ்டாலின் பேசினாா். அப்போது, அங்குள்ள நிலைமை என்ன என்றும், உணவு உள்ளிட்ட அடிப்படை வசதிகள் கிடைக்கிா எனவும் கேட்டறிந்தாா்.

இந்த நிகழ்வின் போது, அமைச்சா்கள் க.பொன்முடி, மா.சுப்பிரமணியன், பொதுத்துறைச் செயலாளா் டி.ஜகந்நாதன், அயலகத் தமிழா் நலன் மற்றும் மறுவாழ்வு ஆணையாளா் ஜெசிந்திசா லாசரஸ் உள்ளிட்டோா் உடனிருந்தனா்.