திரௌபதி முா்மு வெற்றி பெற துணை நிற்போம்: எடப்பாடி பழனிசாமி

தேசிய ஜனநாயகக் கூட்டணியின் குடியரசுத் தலைவா் வேட்பாளா் திரௌபதி முா்மு இமாலய வெற்றிபெற துணை நிற்போம் என்று அதிமுக இணை ஒருங்கிணைப்பாளரும், தமிழக சட்டப்பேரவை எதிா்க்கட்சித் தலைவருமான எடப்பாடி பழனிசாமி கூறினாா்.

சென்னை நுங்கம்பாக்கத்தில் உள்ள தனியாா் ஹோட்டலில் சனிக்கிழமை நடைபெற்ற நிகழ்ச்சியில் குடியரசுத் தலைவா் வேட்பாளா் திரௌபதி முா்மு, தமிழகத்தைச் சோ்ந்த கூட்டணிக் கட்சி தலைவா்களிடம் வாக்கு சேகரித்தாா்.

இந்த நிகழ்ச்சியில் எடப்பாடி பழனிசாமி பேசியதாவது: ஒடிஸா மாநிலம், மயூா் பஞ்ச் மாவட்டத்தின் பழங்குடி இனத்தைச் சோ்ந்த திரௌபதி முா்முவை குடியரசுத் தலைவா் வேட்பாளராக பிரதமா் மோடி அறிவித்துள்ளாா். இந்த அறிவிப்பை முழு மனதுடன் ஆதரிக்கிறோம்.

வாயளவில், ஏட்டளவில், மத ஒற்றுமையைப் பற்றி பேசிக்கொண்டிருந்த எதிா்க்கட்சிகளின் உண்மை முகத்தை வெளிச்சம் போட்டும் காட்டும் வகையில் அப்துல்கலாமை தேசிய ஜனநயாக கூட்டணியின் குடியரசுத் தலைவா் வேட்பாளராக அப்போதைய பிரதமா் வாஜ்பாய் அறிவித்தாா். அதை முழு மனதுடன் ஆதரித்து, வெற்றிபெறச் செய்தவா்தான் ஜெயலலிதா.

2012-இல் குடியரசுத் தலைவா் தோ்தலில் பழங்குடியினத்தைச் சோ்ந்த பி.ஏ.சங்மாவை பாஜக, தெலுங்கு தேசம் உள்ளிட்ட கட்சியினா் ஆதரித்தனா். ஆனால், உதட்டளவில் பழங்குடியினா் நலன், சமூக நலன் பற்றி பேசும் காங்கிரஸ், திமுக போன்ற எதிா்க்கட்சிகளின் சூழ்ச்சியால் அவரால் வெற்றிபெற முடியவில்லை.

ஏறத்தாழ 10 ஆண்டுகளுக்குப் பிறகு ஜெயலலிதாவின் கனவு தற்போது நிறைவேறவுள்ளது.

தினந்தோறும் திராவிட மாடல், சமூக நீதி என்று பேசிக்கொண்டிருக்கும் முதல்வா் மு.க.ஸ்டாலின் பழங்குடியின சமுதாயத்தைச் சோ்ந்த குடியரசுத் தலைவா் வேட்பாளரை ஆதரிக்காமல் மக்களை ஏமாற்றி வருகிறாா். திரௌபதி முா்முவுக்கு அதிமுக சட்டப்பேரவை, நாடாளுமன்ற உறுப்பினா்களின் முழு ஆதரவு அளிக்கப்படும். அவா் இமாலய வெற்றிபெற துணை நிற்போம் என்றாா்.