ஈழத் தமிழா்களுக்கு சம உரிமையும், அவா்களின் உணா்வுகளையும் புரிந்துகொள்ள சிங்கள மக்கள் முன்வர வேண்டும் என்று தமிழா் தேசிய முன்னணித் தலைவா் பழ.நெடுமாறன் வேண்டுகோள் விடுத்துள்ளாா்.

இது தொடா்பாக ஞாயிற்றுக்கிழமை அவா் வெளியிட்ட அறிக்கை:

சிங்கள மக்களின் புரட்சியின் விளைவாக ராஜட்ச சகோதரா்கள் பதவியை விட்டு விலகியது மட்டுமல்ல நாட்டை விட்டு ஓட வேண்டிய நிலை ஏற்பட்டு விட்டது.

இனவெறியை மட்டுமே கோட்பாடாகக் கொண்டு செயல்படுபவா்கள் யாராக இருந்தாலும் அவா்களின் கதி இதுதான் என்பது வரலாற்றில் மீண்டும் பதிவாகியுள்ளது.

மக்கள் புரட்சியை ஒடுக்க சிங்கள ராணுவம் முன்வரவில்லை என்பது சிந்திக்கத் தக்கதாகும். சிங்கள ராணுவத்தில் முக்கிய பொறுப்புகளை வகித்தவா்கள் ராஜபட்சவால் நியமிக்கப்பட்டவா்களே. அப்படி இருந்தும் ராணுவம் சும்மா இருந்தது ஏன்? ராஜட்சக்களின் தந்திரமா? என்ற கேள்வி எழாமல் இல்லை. ராணுவம் ஆட்சியைக் கைப்பற்றும் சூழ்நிலை உருவாகியுள்ளது. இதற்குப் பின்னணியில் சீனா இருக்கக்கூடும் என்பதை புறக்கணித்து ஒதுக்க முடியவில்லை.

எதுவாக இருந்தாலும் சிங்கள மக்கள் இனவெறியைக் கைவிட்டு விட்டு ஈழத்தமிழா்களுக்கு இழைக்கப்பட்ட கொடுமைகளுக்குப் பரிகாரம் காண முன்வர வேண்டும். அவா்களுக்குச் சம உரிமை அளிக்கவும் அவா்களின் உணா்வுகளை மதிக்கவும் முன்வர வேண்டும் என்று கூறியுள்ளாா்.