10, 11, 12ம் வகுப்புகளுக்கான பொதுத் தேர்வு அட்டவணை: இன்று காலை 10 மணிக்கு அறிவிப்பு

தமிழகத்தில் 10, 11, 12 ஆம் வகுப்புகளுக்கான பொதுத் தேர்வு தேதி அட்டவணை இன்று காலை 10 மணிக்கு வெளியிடப்படுகிறது.

சென்னை தலைமைச் செயலகத்தில் காலை 10 மணிக்கு பள்ளிக் கல்வித் துறை அமைச்சர் அன்பில் மகேஷ் பொய்யாமொழி வெளியிடுகிறார்.

கரோனா பரவல் குறைந்து வருவதால் தமிழகத்தில் திட்டமிட்டபடி பொதுத்தேர்வுகள் பள்ளிகளிலேயே நடைபெறும் என்று தமிழக அரசு ஏற்கெனவே அறிவித்திருந்தது.

படிக்க | காமாட்சி அம்மனை வரவேற்ற இஸ்லாமியா்கள்!

அதன்படி 10, 11, 12ஆம் வகுப்புகளுக்கான பொதுத்தேர்வுக்கான அட்டவணையை பள்ளிக் கல்வித் துறை இன்று வெளியிடுகிறது. 

கடந்த இரண்டு ஆண்டுகளாக கரோனா பெருந்தொற்று காரணமாக பொதுத்தேர்வுகள் ரத்து செய்யப்பட்டன. பருவத் தேர்வுகளும் ஆன்லைன் முறையிலேயே நடத்தப்பட்டன என்பது குறிப்பிடத்தக்கது.