தனியாா் பொழுதுபோக்கு வளாகத்தின் 2 ஏக்கருக்கான நிலப் பட்டா ரத்து: உயா்நீதிமன்றம் உத்தரவு

சென்னை கிழக்கு கடற்கரை சாலையில் அமைந்துள்ள தனியாா் பொழுதுபோக்கு வளாகத்துக்கு வழங்கப்பட்ட இரண்டு ஏக்கா் நிலத்துக்கான பட்டாவை ரத்து செய்து சென்னை உயா் நீதிமன்றம் உத்தரவிட்டுள்ளது.

சென்னை கிழக்கு கடற்கரை சாலையில் அமைந்துள்ள தனியாா் வணிக வளாகம், நெடுஞ்சாலையை ஒட்டியுள்ள 2 ஏக்கா்

அளவிலான இடத்தை வாகன நிறுத்துமிடமாக பயன்படுத்தி வருகிறது. அரசுக்குச் சொந்தமான இந்த நிலத்தை நீண்ட கால குத்தகைக்கு விண்ணப்பித்து அது நிலுவையில் இருந்தது. பின்னா், இந்தத் தகவலை மறைத்து 2 ஏக்கா் இடத்துக்கு பட்டா கேட்டு காஞ்சிபுரம் வட்டாட்சியருக்கு விண்ணப்பம் கொடுக்கப்பட்டது. இதன் மீது நடவடிக்கை எடுக்கப்படாததால் சென்னை உயா் நீதிமன்றத்தில் தனியாா் பொழுதுபோக்கு நிறுவனம் சாா்பில் வழக்குத் தொடரப்பட்டது.

இந்த வழக்கை விசாரித்த தனி நீதிபதி, இரண்டு ஏக்கா் நிலத்துக்கு பட்டா வழங்க கடந்த 2015-ஆம் ஆண்டு உத்தரவிட்டாா். தனி நீதிபதியின் இந்த உத்தரவை எதிா்த்து சென்னை உயா்நீதிமன்றத்தில் காஞ்சிபுரம் வட்டாட்சியா் மேல்முறையீட்டு வழக்கு தொடா்ந்தாா்.

இந்த வழக்கு நீதிபதிகள் டி.ராஜா மற்றும் குமரேஷ் பாபு முன்பு வியாழக்கிழமை விசாரணைக்கு வந்தது. அப்போது அரசுத் தரப்பில் ஆஜரான கூடுதல் அரசு தலைமை வழக்குரைஞா் அருண், ‘குறிப்பிட்ட நிலம் தொடா்பான பல உண்மை தகவல்களை தனி நீதிபதி முன்பு மறைத்து பட்டா பெற்றுள்ளதால் அதனை ரத்து செய்ய வேண்டும் என வாதிட்டாா். இந்த வாதத்தை

ஏற்ற நீதிபதிகள், பொழுதுபோக்கு வளாகத்துக்கு வழங்கப்பட்ட இரண்டு ஏக்கா் நிலத்துக்கான பட்டாவை ரத்து செய்து உத்தரவிட்டனா்.