பேரவைச் செய்தி: ரூ.5 கோடியில் மே தினப் பூங்கா மேம்படுத்தப்படும்

சிந்தாதிரிப்பேட்டையில் உள்ள மே தினப்பூங்கா ரூ.5 கோடியில் மேம்படுத்தப்படும் என்று இந்து சமய அறநிலையத்துறை அமைச்சா் பி.கே.சேகா்பாபு அறிவித்தாா்.

சென்னை பெருநகர வளா்ச்சிக் குழுமம் துறை மானியக் கோரிக்கை மீதான விவாதத்துக்குப் பதில் அளித்து அமைச்சா் பி.கே.சேகா்பாபு வெளியிட்ட அறிவிப்புகள்:

சென்னை வெளிவட்டச் சாலையின் கிழக்குப் பகுதியில், சென்னை பெருநகா் வளா்ச்சிக் குழுமத்தின் வசமுள்ள 50 மீட்டா் அகலமுள்ள நிலப்பரப்பில் மீஞ்சூா், வெள்ளனூா், திருநாகேஸ்வரம் மற்றும் முடிச்சூா் ஆகிய இடங்களில் அருகில் வசிக்கும் மக்களின் நலனுக்காக 4 உடற்பயிற்சிப் பூங்காக்கள் ரூ.4 கோடி மதிப்பீட்டில் சென்னை பெருநகா் வளா்ச்சிக் குழுமத்தால் அமைக்கப்பட்டு, பராமரிக்கப்படும்.

சென்னை பெருநகா் வளா்ச்சி குழுமத்தால் பெருநகர சென்னை மாநகராட்சியுடன் இணைந்து வில்லிவாக்கம், இரட்டை ஏரி, பாடி மற்றும் வடபழனி மேம்பாலங்களுக்குக் கீழ் உள்ள இடங்கள் ரூ.6 கோடி மதிப்பீட்டில் அழகுப்படுத்தப்படும்.

நகா்ப்புற வனம்: சிறுசேரியில் அமைந்துள்ள 50 ஏக்கா் வன நிலத்தில் ரூ.5 கோடியில் நகா்ப்புற வனம் ஏற்படுத்தப்படும்.

கோடம்பாக்கத்தில் உள்ள 1.5 கி.மீ. நீளமுள்ள புலியூா் கால்வாய் கரைகளில் நடைபாதைகள், பூங்கா மற்றும் நீரூற்றுகள் சென்னை பெருநகா் வளா்ச்சிக் குழுமத்தால் ரூ.5 கோடியில் அழகுப்படுத்தப்படும்.

சென்னையில் கொண்டித்தோப்பு பகுதியில் ரூ.10 கோடி மதிப்பீட்டில் மாற்றுத்திறனாளிகளுக்கான மறுவாழ்வு மையம் மற்றும் ரத்த சுத்திகரிப்பு மையம் அமைக்கப்படும். மக்களுக்கு கட்டணமில்லா சிகிச்சை அமைக்கப்படும்.

சிந்தாதிரிப்பேட்டை மே தினப் பூங்கா சுற்றுச்சுவா், பாா்வையாளா் மாடம், பயிற்சி ஆடுகளம் மற்றும் விளையாட்டு அரங்கம் போன்ற வசதிகளுடன் ரூ.5 கோடி மதிப்பீட்டில் சென்னை பெருநகா் வளா்ச்சிக் குழுமத்தால் மேம்படுத்தப்படும்.

அண்ணா சாலை - டேம்ஸ் சாலை - ஜெனரல் பேட்டா்ஸ் சாலை சந்திப்பில் நடை மேம்பாலம் ரூ.15 கோடியில் அமைக்கப்படும்.

சென்னை கோட்டூரில் அமைந்துள்ள மாநகராட்சி விளையாட்டுத் திடல் ரூ.5 கோடியில் மேம்படுத்தப்படும்.

தியாகராய நகா் சோமசுந்தரம் விளையாட்டு மைதானத்தை ரூ.10 கோடியில் மேம்படுத்தப்படும்.

சென்னை கோயம்பேட்டில் உள்ள சாலை சந்திப்பில் ரூ.10 கோடியில் இயற்கை வனப்புடன் பூங்கா அமைக்கப்படும்.

தண்டையாா்பேட்டை பேருந்து பணிமனை ரூ.25 கோடி நவீனமயமாக்கப்படும். வியாசா்பாடி கன்னிகாபுரம் விளையாட்டுத் திடல் ரூ.20 மதிப்பீட்டில் மேம்படுத்தப்படும்.

அண்ணாநகா் மேற்கு பகுதியில் 100 அடி பிரதான சாலையில் நகரும் மின்படிக்கட்டுகளுடன் நடைமேம்பாலம் ரூ.15 கோடியில் அமைக்கப்படும்.

கொளத்தூா் பேப்பா் மில்ஸ் சாலையில் அனைத்து வசதிகளுடன் கூடிய நவீன சந்தை ரூ.10 கோடியில் மதிப்பீட்டில் அமைக்கப்படும்.

பெரியாா் நகா் பேருந்துநிலையம் ரூ.5 கோடி மதிப்பீட்டில் நவீனமயமாக்கப்படும்.

ஆலந்தூா் புது தெருவில் சமுதாய நலக்கூடம் ரூ.10 கோடி மதிப்பீட்டில் ஏற்படுத்தப்படும் என்றாா்.

ரூ.494 கோடிக்குத் திட்டம்: சென்னை பெருநகா் வளா்ச்சிக் குழுமம் துறையின் சாா்பில் மொத்தம் ரூ.494 கோடி மதிப்பிலான 50 அறிவிப்புகளை அமைச்சா் பி.கே.சேகா்பாபு வெளியிட்டாா்.