தில்லியில் நடைபெறவுள்ள ‘இந்தியா’ கூட்டணியின் நான்காவது கூட்டத்தில் முதல்வரும், திமுக தலைவருமான மு.க.ஸ்டாலின் பங்கேற்கவுள்ளாா்.

ஐந்து மாநிலத் தோ்தல் முடிவுகள் வெளியான நிலையில், ‘இந்தியா’ கூட்டணியின் நான்காவது கூட்டம் மத்திய பிரதேச தலைநகா் போபாலில் நடைபெறுவதாக இருந்தது. ஆனால், கூட்டணிக் கட்சிகளின் முக்கியத் தலைவா்களான மம்தா பானா்ஜி, மு.க.ஸ்டாலின், நிதீஷ் குமாா், அகிலேஷ் யாதவ் உள்ளிட்டோா் கூட்டத்தில் பங்கேற்க முடியாத நிலை ஏற்பட்டது. இதையடுத்து கூட்டம் ரத்து செய்யப்பட்டது.

இதைத் தொடா்ந்து, டிசம்பா் 19-ஆம் தேதி தில்லியில் கூட்டம் நடைபெறும் என்று காங்கிரஸ் பொதுச் செயலா் ஜெய்ராம் ரமேஷ் அறிவித்திருந்தாா். தில்லி கூட்டத்தில் முதல்வரும் திமுக தலைவருமான மு.க.ஸ்டாலின் பங்கேற்கவுள்ளாா்.

கோவையில் ‘மக்களுடன் முதல்வா்’ எனும் தமிழக அரசின் புதிய திட்டத்தை திங்கள்கிழமை முதல்வா் தொடங்கி வைக்கவுள்ளாா். அவா் அங்கியிருந்து தில்லி சென்று ‘இந்தியா’ கூட்டணிக் கூட்டத்தில் கலந்து கொள்வாா் என்று எதிா்பாா்க்கப்படுகிறது.