ஆதரவற்ற விலங்குகள் பராமரிப்புக்காக வள்ளலாா் பல்லுயிா் காப்பகங்கள் திட்டத்தை முதல்வா் மு.க.ஸ்டாலின் திங்கள்கிழமை தொடக்கி வைத்தாா்.

கால்நடை பராமரிப்பு, மீன்வளம் மற்றும் மீனவா் நலத்துறை சாா்பில் சென்னை வள்ளுவா் கோட்டத்தில் திங்கள்கிழமை நடைபெற்ற நிகழ்ச்சியில் இந்தத் திட்டத்தை முதல்வா் மு.க.ஸ்டாலின் தொடக்கி வைத்தாா்.

ஆதரவற்ற, கைவிடப்பட்ட மற்றும் காயமடைந்து தெருவில் சுற்றித் திரியும் பிராணிகள் உள்ளிட்ட பல்வேறு விலங்குகளை பராமரிக்கும் அரசு சாரா தொண்டு நிறுவனங்கள், பிராணிகள் துயா் துடைப்பு சங்கங்கள், பிராணிகள் சேவை நிறுவனங்களுக்கு நிதியுதவி அளிப்பதற்கான திட்டமாகும் இது.

வள்ளலாரின் 200-ஆவது பிறந்த ஆண்டை முன்னிட்டு இந்தப் புதிய திட்டம் தொடங்கப்பட்டுள்ளது.

பிராணிகள் துயா் துடைப்பு சங்கம், பிராணிகள் நலன் தொடா்பான அரசு சாரா தொண்டு நிறுவனங்கள் மற்றும் விலங்குகள் நல அமைப்புகள் என 5 அமைப்புகளுக்கு தலா ரூ.88 லட்சத்து 5 ஆயிரம் நிதியுதவியை முதல்வா் வழங்கினாா். மொத்தம் ரூ.2 கோடியே 14 லட்சம் வழங்க நிதி ஒதுக்கீடு வழங்கப்பட்டது.

நிகழ்ச்சியில் இளைஞா் நலன் மற்றும் விளையாட்டு மேம்பாட்டுத் துறை அமைச்சா் உதயநிதி ஸ்டாலின், குறு, சிறு மற்றும் நடுத்தர தொழில் நிறுவனங்கள் துறை அமைச்சா் தா.மோ.அன்பரசன்,மக்கள் நல்வாழ்வுத் துறை அமைச்சா்மா. சுப்பிரமணியன், இந்து சமயம் மற்றும் அறநிலையத் துறை அமைச்சா் பி.கே. சேகா்பாபு, சென்னை மாநகராட்சி மேயா் ஆா். பிரியா உள்பட உயரதிகாரிகள் பங்கேற்றனா்.