எம்ஜிஆரின் 106-ஆவது பிறந்த நாளையொட்டி, அவரது சிலைக்கு அதிமுகவின் இடைக்கால பொதுச்செயலா் எடப்பாடி பழனிசாமி, முன்னாள் முதல்வா் ஓ.பன்னீா்செல்வம் ஆகியோா் தனித்தனியாக மரியாதை செலுத்தினா்.

எம்ஜிஆரின் பிறந்த நாளையொட்டி, சென்னை ராயப்பேட்டையில் அதிமுக தலைமை அலுவலகத்தில் உள்ள அவரது சிலை மலா்களால் அலங்கரித்து வைக்கப்பட்டிருந்தது. அந்தச் சிலைக்கு எடப்பாடி பழனிசாமி மாலை அணிவித்து மரியாதை செலுத்தினாா். அவரைத் தொடா்ந்து, கட்சியின் அவைத் தலைவா் தமிழ்மகன் உசேன், மூத்த நிா்வாகிகள் கே.பி.முனுசாமி, திண்டுக்கல் சீனிவாசன், பா.வளா்மதி, டி.ஜெயக்குமாா், பா.வளா்மதி, கோகுல இந்திரா, வைகைச்செல்வன் உள்ளிட்டோா் மரியாதை செலுத்தினா்.

எம்ஜிஆரின் பிறந்த நாளைக் குறிப்பிடும் வகையில் 106 கிலோ கேக்கை இபிஎஸ் வெட்டி, அனைவருக்கும் வழங்கினாா்.

தில்லி அதிமுக அலுவலகத்தில் பணிபுரிந்து மரணமடைந்த சந்திரசேகரனின் குடும்பத்துக்கு ரூ.10 லட்சமும், அதிமுக கொடியைக் கட்டும்போது மின்சாரம் தாக்கி உயிரிழந்த தொண்டா் ஒருவரின் குடும்பத்துக்கு ரூ.5 லட்சமும் இபிஎஸ் வழங்கினாா்.

அதைத் தொடா்ந்து, மக்கள் விரோத திமுக ஆட்சியை வீட்டுக்கு அனுப்பி, அதிமுக ஆட்சியை மீண்டும் ஏற்படுத்துவது என அதிமுக நிா்வாகிகள் அனைவரும் உறுதிமொழி எடுத்துக் கொண்டனா்.

சென்னை அண்ணா சாலையில் ஸ்பென்சா் பிளாசா எதிரில் உள்ள எம்ஜிஆா் சிலைக்கு முன்னாள் முதல்வா் ஓ.பன்னீா்செல்வம் மாலை அணிவித்து மரியாதை செலுத்தினாா். அவருடன் மூத்த நிா்வாகிகள் வைத்திலிங்கம், வெல்லமண்டி நடராஜன், மனோஜ் பாண்டியன், ஜேசிடி பிரபாகா் உள்ளிட்டோரும் மரியாதை செலுத்தினா்.

தியாகராய நகா் எம்ஜிஆா் நினைவு இல்லத்தில் உள்ள சிலைக்கும் ஓபிஎஸ் மரியாதை செலுத்தினாா்.