இன்று சென்னை சென்ட்ரல் - தன்பாத் முன்பதிவில்லா சிறப்பு ரயில் இயக்கம்

சென்னை சென்ட்ரலிலிருந்து ஜாா்காண்ட் மாநிலம் தன்பாத்திற்கு முன்பதிவில்லா சிறப்பு ரயில் வெள்ளிக்கிழமை (ஜூன் 23) இயக்கப்படுகிறது.

இது குறித்து தெற்கு ரயில்வே சாா்பில் வியாழக்கிழமை வெளியிடப்பட்ட செய்தி:

சென்னை சென்ட்ரலிலிருந்து வெள்ளிக்கிழமை (ஜூன் 23) இரவு 11 மணிக்கு புறப்படும் முன்பதிவில்லா ரயில் ஜூன் 26-ஆம் தேதி காலை 8 மணிக்கு ஜாா்காண்ட் மாநிலம் தன்பாத் சென்றடையும். இந்த ரயிலில் 22 பொது இரண்டாம் வகுப்பு பெட்டிகள் உள்ளன.

இந்த ரயிலின் போக்குவரத்து குறித்த கூடுதல் தகவல்கள் வெள்ளிக்கிழமை (ஜூன் 23) அறிவிக்கப்படும் எனத் தெரிவிக்கப்பட்டுள்ளது.