வண்டலூர் உயிரியல் பூங்காவில் அருங்காட்சியகம்: தமிழக அரசு

வண்டலூர் உயிரியல் பூங்காவில் அருங்காட்சியகம் அமைக்க தமிழக அரசு உத்தரவிட்டுள்ளது.

சென்னை வண்டலூர் உயிரியல் பூங்காவில் அருங்காட்சியகம் மற்றும் பூங்கா திரையரங்கம் அமைக்க உத்தரவிடப்பட்டுள்ளது.

வனவிலங்கு பாதுகாப்புக் குறித்து மக்கள் புரிந்து கொள்ள வசதியாக அருங்காட்சியகம் அமைக்கப்படுகிறது. ரூ.4.3 கோடி செலவில் அருங்காட்சியகம் மற்றும் பூங்கா திரையரங்கம் அமைக்க தமிழக அரசு உத்தரவிட்டுள்ளது.

வண்டலூர் உயிரியல் பூங்காவில் 3டி, 7டி திரையரங்கம் அமைக்க நிதி ஒதுக்கீடு செய்யப்பட்டுள்ளது. பல்லுயிர் தொடர்பான ஆவணப்படங்களில் 3டி, 7டி திரையரங்களில் திரையிடப்படும் என அறிவிக்கப்பட்டுள்ளது.    

இதையும் படிக்க: தேர்தல் வாக்குறுதிகளை நிறைவேற்றாவிட்டால் சத்தியாகிரகப் போராட்டம் நடத்துவோம்: எடியூரப்பா