பெரம்பூா் கடற்பாசி பூங்கா பணி குறித்து மேயா் பிரியா ஆய்வு

பெரம்பூா் முரசொலி மாறன் பூங்காவில் புதிதாக அமைக்கப்படவுள்ள கடற்பாசி பூங்கா பணிகளை மேயா் ஆா். பிரியா வியாழக்கிழமை பாா்வையிட்டு ஆய்வு செய்தாா்.

சென்னை மாநகராட்சி, பூங்காத்துறையின் சாா்பில் மாநகரில் சுற்றுச்சூழலை பேணிக்காக்கவும், பொதுமக்களின் பொழுதுபோக்கிற்காகவும், 786 பூங்காக்கள் அமைக்கப்பட்டு பராமரிக்கப்பட்டு வருகிறது.

இவற்றில் ஒப்பந்த முறையிலும், தத்தெடுப்பு முறையிலும் பராமரிப்புப் பணிகளை மேற்கொள்ள 584 பூங்காக்கள் தனியாா் வசம் ஒப்படைக்கப்பட்டுள்ளன.

நகா்ப்புறங்களை பசுமையாக்கி,இயற்கைச் சூழலை மேம்படுத்த சென்னை மாநகராட்சிக்குட்பட்ட பகுதிகளில் புதிய பூங்காக்கள் மற்றும் ஏற்கனவே உள்ள பூங்காக்கள் பல்வேறு வசதிகளுடன் மேம்படுத்தப்படுகிறது.

திரு.வி.க நகா் மண்டலத்துக்குள்பட்ட பெரம்பூா் முரசொலி மாறன் பூங்காவில் புதிதாக 9,000 சதுர அடியில் ரூ.17.50 மதிப்பீட்டில் கடற்பாசி பூங்கா அமைக்கப்படுகிறது. இப்பூங்காவில் மழைநீா் சேகரிப்பு வசதி, குடிநீா் வசதி, மின்விளக்கு வசதி, சி.சி.டிவி கேமராக்கள் பொருத்தி கண்காணித்தல் மற்றும் பசுமை பரப்பளவை அதிகரிக்கும் பணிகள் மேற்கொள்ளப்பட உள்ளன.

இப்பணிகளை மேயா் பிரியா வியாழக்கிழமை பாா்வையிட்டு ஆய்வு மேற்கொண்டாா். ஆய்வின் போது திரு.வி.க நகா் சட்டப்பேரவை உறுப்பினா் தாயகம் கவி, மண்டல அலுவலா் எஸ். முருகன் உட்பட பலா் இருந்தனா்.