சென்னை: சென்னையில் ஆபரணத் தங்கத்தின் விலை வெள்ளிக்கிழமை பவுனுக்கு ரூ. 240 உயர்ந்து ரூ. 45,160 -க்கு விற்பனையாகிறது.

இந்த வாரம் திங்கள்கிழமை முதல் சென்னையில் ஆபரணத் தங்கத்தின் விலை தொடா்ந்து குறைந்து வரும் நிலையில் வியாழக்கிழமை கிராமுக்கு ரூ. 45 குறைந்து ரூ. 5,615-க்கும், பவுனுக்கு ரூ. 360 குறைந்து ரூ. 44,920-க்கும் விற்பனையானது. 

வெள்ளி விலை கிராமுக்கு 30 காசுகள் குறைந்து ரூ. 76.20-க்கும், ஒரு கிலோ (கட்டி வெள்ளி) ரூ. 300 குறைந்து ரூ.76,200-க்கும் விற்பனையானது.

இதையும் படிக்க | இளைஞரிடம் ஸ்மார்ட் வாட்ச் பறித்த போலீஸ்!

இந்த நிலையில், திங்கள்கிழமை முதல் தொடா்ந்து குறைந்து வந்த தங்கத்தின் விலை வெள்ளிக்கிழமை மீண்டும் உயர்ந்துள்ளது. 

அதன்படி,  கிராமுக்கு ரூ. 30 உயர்ந்து ரூ. 5,645-க்கும், பவுனுக்கு ரூ. 240 உயர்ந்து ரூ. 45,160-க்கும் விற்பனையாகிறது. 

வெள்ளி வியாழக்கிழமை விலையில் எந்த மாற்றமுமின்றி கிராம் ரூ. 76.20-க்கும், ஒரு கிலோ (கட்டி வெள்ளி) ரூ.76,200-க்கும் விற்பனையாகிறது.