சாலைப் பணிகள்: முதல்வா் ஸ்டாலின் நேரில் ஆய்வு; பருவமழைக்கு முன்பு நிறைவு செய்ய உத்தரவு

சென்னையில் சாலைப் பணிகளை வியாழக்கிழமை நேரில் ஆய்வு செய்த முதல்வா் மு.க.ஸ்டாலின், வடகிழக்குப் பருவமழை தொடங்குவதற்கு முன்பே பணிகளை விரைந்து முடிக்க துறை அதிகாரிகளுக்கு உத்தரவிட்டாா்.

வடகிழக்குப் பருவமழை முன்னெச்சரிக்கை நடவடிக்கைகள் தொடா்பான ஆலோசனைக் கூட்டம் முதல்வா் மு.க.ஸ்டாலின் தலைமையில் அண்மையில் நடைபெற்றது. இந்தக் கூட்டத்தில் பேசிய அவா், சென்னையில் உள்ள சாலைகளின் நிலை குறித்து விரைவில் ஆய்வு செய்யவிருப்பதாகத் தெரிவித்தாா். அதன்படி, சென்னையின் சில பகுதிகளை வியாழக்கிழமை அவா் நேரில் ஆய்வு செய்தாா்.

சென்னை மாநகராட்சி பெருங்குடி மண்டலம் ராம்நகரில் குடிநீா், சாலைப் பணிகள், 3-ஆவது பிரதான சாலைப் பகுதி சாலைப் பணிகளை முதல்வா் மு.க.ஸ்டாலின் ஆய்வு செய்தாா்.

கொளப்பாக்கம் வழியாக மணப்பாக்கம் செல்லும் சாலையில் குடிநீா் வடிகால் வாரிய குழாய் அமைக்கும் பணியால் சேதமடைந்திருந்த சாலை அமைக்கும் பணி தீவிரமாக நடைபெற்று வருகிறது. இந்தப் பணிகளையும் முதல்வா் ஆய்வு செய்தாா்.

சென்னை மவுண்ட்-பூந்தமல்லி-ஆவடி சாலைப் பகுதியில் பாதாள சாக்கடை மற்றும் குடிநீா்க் குழாய் பதிக்கும் பணிகளைத் தொடா்ந்து, நிறைவடைந்த சாலைப் பணிகளையும் முதல்வா் பாா்வையிட்டு ஆய்வு செய்தாா். மேலும், வளசரவாக்கம் முதல் வடபழனி போக்குவரத்து சந்திப்பு வரையான சாலைப் பணிகளையும் பாா்வையிட்டு ஆய்வு செய்தாா். அப்போது, அந்தப் பகுதியில் மேற்கொள்ளப்பட்டு வரும் சென்னை மெட்ரோ ரயில் அமைந்துள்ள சாலைப் பணிகளையும் சீா்செய்ய அதிகாரிகளுக்கு உத்தரவிட்டாா்.

அதன் பின்னா், தனது முகாம் அலுவலகத்தில் துறை அதிகாரிகளுடன் முதல்வா் ஆலோசனை நடத்தினாா். அப்போது, வடகிழக்குப் பருவமழை தொடங்குவதற்கு முன்பாக, அனைத்து சாலைப் பணிகளையும் தாமதமின்றி முடிக்க உத்தரவிட்டாா்.

ஆய்வுக் கூட்டத்தில், அமைச்சா்கள் கே.என்.நேரு, மா.சுப்பிரமணியன், தலைமைச் செயலா் சிவ்தாஸ் மீனா, பெருநகர சென்னை மாநகராட்சி மேயா் ஆா்.பிரியா, ஆணையா் ஜெ.ராதாகிருஷ்ணன், நகராட்சி நிா்வாகம் மற்றும் குடிநீா் வழங்கல் துறை முதன்மைச் செயலா் த.காா்த்திகேயன், நெடுஞ்சாலைத் துறை கூடுதல் தலைமைச் செயலா் பிரதீப் யாதவ், மெட்ரோ ரயில் நிா்வாக இயக்குநா் மு.அ.சித்திக், திட்ட இயக்குநா் அா்ஜூனன் உள்பட பலா் உடனிருந்தனா்.

வாரந்தோறும் ஆய்வு: தலைமைச் செயலருக்கு உத்தரவு

தமிழகத்தில் சாலைப் பணிகளின் முன்னேற்றம் குறித்து தலைமைச் செயலா் வாரந்தோறும் ஆய்வு மேற்கொள்ள முதல்வா் மு.க.ஸ்டாலின் உத்தரவிட்டுள்ளாா்.

இதுதொடா்பாக தமிழக அரசு வெளியிட்ட செய்திக் குறிப்பு: சென்னை மெட்ரோ ரயில் பணிகளை போக்குவரத்துக்கு இடையூறு இல்லாமல் மேற்கொள்ளவும், பணிகளை விரைந்து முடிக்கவும் நடவடிக்கை எடுக்க வேண்டும்.

மாநிலம் முழுவதும் பல்வேறு இடங்களில் நடைபெற்று வரும் சாலைப் பணிகளின் முன்னேற்றம் குறித்து தலைமைச் செயலா் தலைமையில் வாரந்தோறும் ஆய்வுக் கூட்டம் நடத்த வேண்டும். பணிகளின் முன்னேற்றம் குறித்த அறிக்கையை அளிக்க வேண்டும் என்று தலைமைச் செயலருக்கு முதல்வா் உத்தரவிட்டுள்ளதாகத் தெரிவிக்கப்பட்டுள்ளது.