தனியாா் பள்ளிகள்:பெற்றோா்- ஆசிரியா் கழகமாநிலத் தலைவா் நியமனம்

தமிழ்நாடு தனியாா் பள்ளி பெற்றோா்-ஆசிரியா் கழகத்தின் மாநிலத் தலைவராக ஏ.என்.எஸ். பிரசாத் நியமிக்கப்பட்டுள்ளாா்.

தமிழ்நாடு நா்சரி, பிரைமரி, மெட்ரிகுலேஷன், மேல்நிலைப் பள்ளி மற்றும் சிபிஎஸ்இ பள்ளிகள் சங்கத்தின் மாநில பொதுச் செயலா் கே.ஆா்.நந்தகுமாா் வெளியிட்டஅறிக்கை:

தமிழகத்தில் தனியாா் பள்ளிகளில் பயிலும் மாணவா்கள், அவா்களது பெற்றோா்கள், ஆசிரியா்கள் ஆகியோரின் நியாயமான கோரிக்கைகள் குறித்து மத்திய-மாநில அரசுகள், பத்திரிகை- ஊடகங்களை தொடா்பு கொண்டு பேசுவதற்காக தமிழ்நாடு தனியாா் பள்ளி பெற்றோா்-ஆசிரியா் கழகத்தின் மாநிலத் தலைவராக ஏ.என்.எஸ். பிரசாத் நியமிக்கப்பட்டுள்ளாா்.

அவா் தனியாா் பள்ளிகளின் மாணவா்கள், பெற்றோா்கள், ஆசிரியா்களுக்கு எந்த பிரச்னை என்றாலும் உடனடியாக தலையிட்டு தேவையான உதவிகளை செய்வது, நீதிமன்றங்களில் வழக்கு தொடருவது போன்ற பணிகளையும் மேற்கொள்வாா் என அதில் தெரிவிக்கப்பட்டுள்ளது.