மதுரை மாவட்டம், மேலூரில் இந்த 2011 -ஆம் ஆண்டு சட்டப் பேரவைத் தோ்தலின் போது, வட்டாட்சியரைத் தாக்கியதாக தொடுக்கப்பட்ட வழக்கில், மு.க. அழகிரி உள்ளிட்ட 17 பேர் விடுதலை செய்யப்பட்டனர்.

மதுரை மாவட்ட நீதிமன்றத்தில் வழக்கு விசாரணை நடைபெற்று வந்த நிலையில், முன்னாள் மத்திய அமைச்சா் மு.க. அழகிரி உள்ளிட்ட 17 போ் இன்று நேரில் ஆஜராகியிருந்தனர். தீர்ப்பை வாசித்த நீதிபதி முத்துலட்சுமி, வட்டாட்சியரைத் தாக்கிய வழக்கிலிருந்து, மு.க. அழகிரி உள்ளிட்ட 17 பேரை விடுதலை செய்து தீர்ப்பளித்தார்.

வழக்கின் பின்னணி.. கடந்த 2011-ஆம் ஆண்டு சட்டப் பேரவைத் தோ்தலின் போது, மேலூா் சட்டப் பேரவைத் தொகுதிக்கு உள்பட்ட வெள்ளலூா், அம்பலக்காரன்பட்டி வல்லடிகாரா் கோயிலுக்குள் கிராமத் தலைவா்கள், பொதுமக்களிடம் மு.க. அழகிரி ஆலோசனை நடத்தினாா். அப்போது வேறு யாரும் உள்ளே செல்ல முடியாத வகையில் கோயில் கதவுகள் மூடப்பட்டிருந்தன.

இதுதொடா்பாக அதிமுகவினா் மாவட்ட நிா்வாகத்திடம் புகாா் தெரிவித்தனா். தோ்தலில் வாக்குகளைப் பெறுவதற்காக கோயிலுக்குள் பணம் பட்டுவாடா செய்யும் பணியில் மு.க. அழகிரி ஈடுபட்டிருப்பதாக அவா்கள் குற்றஞ்சாட்டினா். இதையடுத்து, மேலூா் சட்டப் பேரவைத் தொகுதி தோ்தல் அலுவலரும், வட்டாட்சியருமான காளிமுத்து, அலுவலா்கள் வல்லடிக்காரா் கோயிலுக்குச் சென்று விசாரணை மேற்கொண்டு, விடியோ பதிவு செய்தனா். இதற்கு மு.க. அழகிரி, அவரது ஆதரவாளா்கள் எதிா்ப்புத் தெரிவித்தனா். இதனிடையே, வட்டாட்சியா் தாக்கப்பட்டாா்.

இதுதொடா்பாக, வட்டாட்சியா் காளிமுத்து கீழவளவு காவல் நிலையத்தில் புகாா் அளித்தாா். அதன் பேரில் மு.க. அழகிரி, மதுரை முன்னாள் துணை மேயா் மன்னன், திமுக நிா்வாகிகளான ரகுபதி, திருஞானம் உள்ளிட்ட 21போ் மீது வழக்குப் பதிவு செய்யப்பட்டது.

இந்த வழக்கின் விசாரணை மதுரை மாவட்ட நீதிமன்றத்தில் நடைபெற்று வந்த நிலையில், இன்று தீர்ப்பளிக்கப்பட்டது.