தங்கம் விலை அதிரடியாக குறைந்தது! இன்றைய நிலவரம்!

கடந்த சில மாதங்களாக உலகளவில் தங்கத்தின் மீது குவிந்து வரும் அதிகப்படியான முதலீடுகளால் தங்கத்தின் விலை தொடர்ந்து உயர்ந்து வருகிறது.

திங்கள்கிழமை நிலவரப்படி சென்னையில் ஆபரணத் தங்கம் விலை புதிய உச்சமாக, கிராமுக்கு ரூ.50 உயர்ந்து ரூ.6,900-க்கும், சவரனுக்கு ரூ.400 உயா்ந்து ரூ.55,200-க்கும் விற்பனையானது.

இந்நிலையில், சென்னையில் இன்று(மே 21) ஆபரணத் தங்கத்தின் விலை ஒரே நாளில் சவரனுக்கு ரூ.320 குறைந்து ரூ.54,880-க்கு விற்பனை செய்யப்படுகிறது. ஒரு கிராம் தங்கம் ரூ.40 குறைந்து ரூ.6,860-க்கு விற்பனை செய்யப்படுகிறது.

மேலும், சென்னையில் வெள்ளியின் விலை ரூ. 2 குறைந்து ரூ. 99-க்கும், ஒரு கிலோ (கட்டி வெள்ளி) ரூ. 2,000 குறைந்து ரூ. 99,000-க்கும் விற்பனை செய்யப்படுகிறது.